فوتو: istockphoto.com
باس پروكۋراتۋرانىڭ ءباسپاسوز قىزمەتىنىڭ حابارلاۋىنشا, استانا قالاسىنىڭ قىلمىستىق ىستەر جونىندەگى اۋدانارالىق سوتىنىڭ ۇكىمىمەن الدىن الا ءسوز بايلاسقان ادامدار توبىنىڭ پايداكۇنەمدىك ماقساتتا جاساعان ادام ۇرلاۋ قىلمىسى ءۇشىن بەس ادام سەگىز جىلعا باس بوستاندىعىنان ايىرىلدى. قىلمىسقا قاتىسۋشىلاردىڭ ءبىرى ادام ۇرلاۋعا كومەكتەسكەنى جانە ءوز بەتىنشە بيلىك جۇرگىزگەنى ءۇشىن جەتى جىل التى ايعا سوتتالدى.
پروكۋراتۋرا مالىمەتىنشە, 2024 جىلعى 9 جەلتوقساندا توپ مۇشەلەرىنىڭ ءبىرى كورسەتىلگەن قىزمەت ءۇشىن اقشا تالاپ ەتىپ, جابىرلەنۋشىگە كۇش قولدانىپ, ونى 80 مىڭ تەڭگە اۋدارۋعا ماجبۇرلەگەن.
كەيىن قاسكويلەر الدىن الا ءسوز بايلاسقان توپ بولىپ, پايداكۇنەمدىك ماقساتتا جابىرلەنۋشىنى استانا اۋماعىندا كۇش قولدانىپ ۇرلاپ كەتكەن.
سوت پروتسەسى بارىسىندا مەملەكەتتىك ايىپتاۋشى سوتتالۋشىلاردىڭ كىناسىن دالەلدەيتىن جەتكىلىكتى ايعاقتاردى ۇسىنعانى اتاپ ءوتىلدى.
