فوتو: ۇكىمەت
ەكولوگيالىق اكتسياعا جەرگىلىكتى تۇرعىندار مەن بەلسەندىلەر دە قاتىستى. ءىس-شارادا بۇلاق كوزى تازارتىلىپ, اينالاسىن اباتتاندىرۋ, كوشەتتەر وتىرعىزۋ جۇمىستارى جۇرگىزىلدى. «اق-اتا» بۇلاعىنىڭ اريحى XVII-XVIII عاسىرلاردان باستالادى. ال جالپى اۋدانى 3,5 گەكتاردى قۇرايدى.
تۇركىستان وبلىسى اكىمىنىڭ ورىنباسارى نۇربول تۇراشبەكوۆ الداعى ۋاقىتتا ءوڭىر بويىنشا 1,5 مىڭعا جۋىق بۇلاق كوزىن تازارتۋ جوسپارلانىپ وتىرعانىن ايتتى.
بۇگىندە ەكولوگيالىق ءىس-شارالارعا 3,8 مىڭنان استام ادام قاتىسقان. ءىس-شاراعا جاستاردىڭ قاتىسۋىنا ەرەكشە ءمان بەرىلىپ وتىر. بۇل ءوز كەزەگىندە ەكولوگيالىق مادەنيەتتى قالىپتاستىرۋعا, سۋ رەسۋرستارىنا ۇقىپتى قاراۋعا جانە وسكەلەڭ ۇرپاقتى تابيعات قورعاۋ ىسىنە كەڭىنەن تارتۋعا ىقپال ەتەدى.
ولجاس بەكتەنوۆ تۇركىستاندا سالىنىپ جاتقان ەلەكتر ستانساسىنىڭ قۇرىلىسىن تەكسەردى
سۋ رەسۋرستارى جانە يرريگاتسيا مينيسترلىگىنىڭ دەرەگىنشە, سۋ رەسۋرستارىن ساقتاۋ جانە ۇتىمدى پايدالانۋ جۇمىستارى جۇيەلى تۇردە جۇرگىزىلىپ كەلەدى. بۇلاقتار سۋ تاپشىلىعى جاعدايىندا سۋمەن قامتاماسىز ەتۋدىڭ قوسىمشا كوزى رەتىندە قاراستىرىلادى. «قازگيدروگەولوگيا» ۇلتتىق گيدروگەولوگيالىق قىزمەتى بۇلاقتاردى تۇگەندەۋ جۇمىستارىن جۇرگىزەدى. الدىن الا دەرەكتەر بويىنشا 711 بۇلاق كوزى انىقتالدى, سونداي-اق مۇراعات ماتەريالدارى بويىنشا 2 772 بۇلاق كارتاسى جاسالدى.
جالپى, ەكولوگيالىق باستامالاردى جۇزەگە اسىرۋ سۋدىڭ تابيعي كوزدەرىن ساقتاۋعا, حالىقتىڭ ەكولوگيالىق مادەنيەتىن ارتتىرۋعا جانە سۋ رەسۋرستارىنا ۇقىپتى قاراۋعا باعىتتالعان.
ولجاس بەكتەنوۆ: جاڭا كونستيتۋتسيا مەملەكەت پەن قوعامنىڭ ورنىقتى دامۋىنا بەرىك نەگىز بولادى
«مەملەكەت باسشىسىنىڭ تابيعاتقا ۇقىپتى قاراۋ جونىندەگى باستاماسى ازاماتتاردىڭ قولداۋىنىڭ ارقاسىندا كونستيتۋتسيا دەڭگەيىندە ءتيىستى قۇقىقتىق تۇرعىدا بەكىتىلدى. «تازا قازاقستان» باستاماسى قوعام مەن مەملەكەتتىڭ كۇش-جىگەرىن بىرىكتىرە وتىرىپ, جالپىۇلتتىق قوزعالىسقا اينالدى. بۇل – ناتيجەلى, جاسامپاز ءپاتريوتيزمنىڭ ايقىن ۇلگىسى. بۇگىنگى تاڭدا اكتسيا تەك سەنبىلىكتەرمەن جانە اعاش وتىرعىزۋمەن شەكتەلمەيدى. ء«مولدىر بۇلاق» باستاماسى تابيعي بۇلاقتار مەن سۋ ايدىندارىن قامتي وتىرىپ, اياسى كەڭەيىپ كەلەدى. سونداي-اق سۋ رەسۋرستارىن ۇتىمدى پايدالانۋ ماسەلەسىنىڭ ماڭىزىن جالپى قوعامدىق دەڭگەيدە كوتەرىپ وتىر», دەدى ولجاس بەكتەنوۆ.
ولجاس بەكتەنوۆ كوممەرتسيالىق يپوتەكا كولەمىن ارتتىرۋدى تاپسىردى
ايتا كەتەيىك, ء«مولدىر بۇلاق» اۋقىمدى ەكولوگيالىق اكتسياسى بيىل 23 ناۋرىزدا باستالدى. ءبىرىنشى كەزەڭدە تازارتۋ جانە اباتتاندىرۋ جۇمىستارى ەلىمىزدىڭ التى وڭىرىندە ورنالاسقان 29 بۇلاقتى قامتيدى. ەكىنشى كەزەڭ وسى جىلدىڭ ءساۋىر ايىنا جوسپارلانعان. ونىڭ اياسىندا بۇلاق كوزىن اشۋ, سۋ جيناۋ, تازارتۋ جانە اباتتاندىرۋ, ىرگەلەس اۋماقتاردى تازالاۋ, قوقىستار شىعارۋ, سونداي-اق حالىقتىڭ ەكولوگيالىق مادەنيەتى مەن سۋ رەسۋرستارىن ءتيىمدى پايدالانۋ جونىندەگى ساۋاتتىلىعىن ارتتىرۋعا باعىتتالعان ءىس-شارالار وتكىزىلەدى.
