كوپتەگەن ادامدار تاۋاردى ساتىپ العاننان كەيىن چەكتى الۋدى قاجەت دەپ سانامايدى. كەيبىرى السا دا كاسساداعى نەمەسە بانكومات جانىنداعى قوقىس جاشىكتەرىنە لاقتىرىپ كەتەدى. كوپشىلىك بۇل كىشكەنتاي قاعازداردىڭ ماڭىزدىلىعىن نەمەسە ولاردان تۋىندايتىن قاۋىپ-قاتەردى ويلامايدى. الايدا تاجىريبە كورسەتكەندەي, چەكتى كاسسادا قالدىرۋ دا الاياقتاردىڭ ارەكەتىنە ۇشىراۋ قاۋپىن ارتتىرادى.
زاڭسىز ديپلوم: اباي وبلىسىندا دارىگەر بولعىسى كەلگەن ازامات الاياقتىڭ قۇرىعىنا ءتۇستى
الاياقتار چەكتى پايدالانىپ, ۇقساس تاۋاردى ۇرلاۋ ارەكەتىن جاساۋى مۇمكىن. مىسالى, تاۋاردى وراۋدان قورعانىس قۇرالدارىن الىپ تاستاعاننان كەيىن دۇكەننەن شىعارىپ كەتۋگە بولادى. كۇزەتشى توقتاتسا, قىلمىسكەر چەكتى كورسەتەدى. ساتىپ الۋشىنىڭ اتى-ءجونى چەكتە كورسەتىلگەن جاعدايدا الاياقتار تەلەفون ءنومىرىن تاۋىپ, بانكتىڭ اتىنان حابارلاسىپ, اقشا تالاپ ەتۋى مۇمكىن. سونىمەن قاتار, كاسسير نەمەسە دۇكەن قىزمەتكەرى دە چەكتى ءوز ماقساتىنا پايدالانىپ, قوسىمشا تاۋار ەنگىزىپ, ساتىپ الۋشىنىڭ ەسەبىنەن اقشا الىپ, كاسسادا تاۋاردى ەسەپتەن شىعارۋ نەمەسە جەڭىلدىك كارتالارىن مانيپۋلياتسيالاۋ سەكىلدى الاياقتىق ارەكەتتەرىن جاساي الادى.
بيبىگۇل جەكسەنباي: الاياقتىقتان زارداپ شەككەندەردى قورعاۋ جۇيەسىندە ولقىلىقتار كوپ
ەگەر تاۋار سايكەس كەلمەسە نەمەسە قايتارۋ قاجەت بولسا, چەك ساتىپ الۋشىعا ماڭىزدى دالەل بولادى. زاڭ بويىنشا چەكسىز تاۋاردى قايتارۋ مۇمكىن, بىراق پروتسەسس ۇزاققا سوزىلادى, سەبەبى ساتىپ الۋدىڭ دالەلىن كورسەتۋ كەرەك. چەكتەردىڭ ارقاسىندا ساتىپ الۋلارعا بونۋس نەمەسە جەڭىلدىكتەر الۋ مۇمكىندىگى ساقتالادى. چەكتى قوقىسقا تاستاۋ نەمەسە كاسسادا قالدىرۋ ساتىپ الۋشىنىڭ ارتىقشىلىقتارىن جوعالتۋىنا جانە ساتۋشىنىڭ الاياقتىق ارەكەتتەرىنە جول بەرەدى
چەكتى تەك الۋ ەمەس, ونى مۇقيات تەكسەرۋ دە ماڭىزدى. باعا بەلگىلەرى مەن كاسسالىق ەسەپتەر اراسىنداعى ايىرماشىلىقتاردى بايقاپ, قاتەلەردى تۇزەتۋگە بولادى. سونداي-اق, قولما-قول اقشاسىز تولەم كەزىندە چەك بەرىلمەسە نەمەسە تولەم قابىلدانباسا, بۇل قۇقىقبۇزۋشىلىق بولىپ سانالادى.
سوندىقتان چەكتەرگە جاۋاپكەرشىلىكپەن قاراۋ كەرەك.
