وبلىستىق بالىق شارۋاشىلىعى باسقارماسىنىڭ باسشىسى ارتۋر سادىبەك ۇلىنىڭ ايتۋىنشا, 30 كاسىپورىن بولىنگەن ليميتكە سايكەس, بالىق اۋلاۋعا كىرىستى. ال قۇرمانعازى اۋدانىنداعى جەرگىلىكتى بەس وندىرىستىك كووپەراتيۆ پەن سەرىكتەستىك بالىقشىلارى وتكەن اپتادان بەرى بالىق اۋلاپ جاتىر.
«قازىر وبلىستىڭ بالىق شارۋاشىلىعى سالاسىندا 4,5 مىڭ ادام جۇمىس ىستەيدى. ولار تۇراقتى جانە ماۋسىمدىق جۇمىسپەن قامتىلىپ وتىر. كوكتەمگى بالىق اۋلاۋ ماۋسىمى 25 مامىرعا دەيىن جالعاسادى. سودان كەيىن 1 تامىزعا دەيىن توقتاتىلادى. ال, كۇزگى بالىق اۋلاۋ تامىزدا ماۋسىمى باستالىپ, مۇز قاتقانعا دەيىن سوزىلادى. ءار كاسىپورىندا بالىق اۋلاۋ ماۋسىمىن ءساتتى وتكىزۋگە تولىق جاعداي جاسالىپ وتىر. بالىق اۋلاۋ ءليميتى وتكەن جىلى ءبولىنىپ بەرىلدى» دەيدى ارتۋر سادىبەك ۇلى.
