دۇنيەجۇزىلىك ازىق-ت ۇلىك باعدارلاماسى (WFP) جانە ازىق-ت ۇلىك جانە اۋىلشارۋاشىلىق ۇيىمى ((FAO) سەيسەنبىدە جاريالاعان بۇۇ بايانداماسىندا «الەمدىك قاۋىمداستىق جاقىن ارادا شارا قولدانباسا, 20-دان استام ەلدە اشتىق كۇشەيەدى» دەلىنگەن. الەمدە قازىردىڭ وزىندە 34 ميلليون ادام اشتىق قۇرساۋىندا, ولاردىڭ اشتان ءولىپ كەتۋ قاۋپى دە جوعارى.
«بۇل جاعداي ءبىزدىڭ كوز الدىمىزدا ءوربىپ جاتىر. ساياسي قاقتىعىستار, كليماتتىڭ وزگەرۋى مەن پاندەميا سالدارى ميلليونداعان ادامنىڭ اش قالۋىنا سەبەپ بولۋى مۇمكىن», دەيدى دۇنيەجۇزىلىك ازىق-ت ۇلىك باعدارلاماسىنىڭ اتقارۋشى ديرەكتورى دەۆيد بيسلي. جاعداي سوعىستان كوز اشپاعان يەمەندە, وڭتۇستىك سۋداندا جانە نيگەريانىڭ سولتۇستىگىندە اسا ۋشىعىپ تۇر. اۋعانستان, سيريا, ليۆان جانە گايتي حالقى دا اشتىقتىڭ الدىندا تۇرۋى مۇمكىن. ساراپشىلار بۇل ءۇشىن اتالعان ەلدەرگە گۋمانيتارلىق كومەك بەرۋدى قولعا الۋ كەرەكتىگىن ايتادى.
«بىزگە ميلليونداعان ادامدى امان الىپ قالۋ ءۇشىن شۇعىل تۇردە ءۇش نارسە كەرەك: سوعىستى توقتاتۋ, وسال توپتارعا كومەك كورسەتۋ جانە وسى جىلى سۇراعان 5,5 ميلليارد دوللار كولەمىندە كومەك كولەمىن ۇلعايتۋ ءۇشىن دونورلار قاجەت» دەپ تولىقتىردى د.بيسلي.
