يسلانديانىڭ تابىستى جوباسى

سولاردىڭ ءبىرى – 400 مىڭعا جەت­پەيتىن حالقى بار يس­لان­ديا تاجىري­بە­سى كوپكە ۇلگى رەتىندە اي­تىلىپ ءجۇر. بۇل شاعىن ەلدە تۇتىنىلاتىن ەلەكتر ەنەرگياسىنىڭ شا­مامەن 100 پايىزى جاڭار­تى­لا­تىن كوزدەن الىنادى. بۇۇ يسلانديانىڭ بالامالى ەنەرگيا كوزىنە اۋىسۋىن الەم ەلدەرى ءۇشىن ۇلگى بولاتىنىن ايتادى. يسلانديا مىسالىنان بالامالى ەنەرگيا كوزىنىڭ ەل ەكونوميكاسىن دا نىعايتا تۇسكەنىن بايقاۋعا بولادى. باستاپقىدا ەل بيلىگى الەم­دىك ەنەرگەتيكالىق نا­رىق­­تاعى مۇناي باعاسىنىڭ تۇ­راقسىزدىعىنا توتەپ بەرە الماي, بالامالى ەنەرگيا كوزدەرىنە بەت بۇرا باستاعان. اركتيكالىق شەڭ­بەر­دىڭ شە­تىندە وقشاۋلانعان ەل ءۇشىن تۇراقتى ءارى ەكو­نومي­كالىق نە­گىز­دەلگەن ىشكى ەنەر­گە­تي­كا­لىق رەسۋرس قۇرۋ ماسە­لە­سى وزەك­تى ەدى.

يسلانديا بۇل باعىتتا شە­تەل­دىك ونىمدەردەن گورى, وتان­دىق ونەر­تاپقىشتاردىڭ جوبالارىن نە­گىزگە العان. حح عاسىردىڭ باسىندا ءبىر فەرمەر گەوتەرمالدى جىلۋ جۇيەسىن جاساۋ ءۇشىن جەردەن شىققان ىستىق سۋدى ءوز شارۋا­شى­لىعىندا پاي­دا­لانۋدىڭ جولىن تاپقان ەكەن. وسىدان كەيىن ەلدە گەوتەرمالدى رەسۋرس­تار­دى جۇيەلى تۇردە زەرت­تەۋ باس­تال­عان. مۇناي ونەر­كا­سى­بى­نەن الىنعان بۇر­عىلاۋ تەحنولوگياسى كوبىرەك ءۇيدى جىلىتۋعا بولاتىن ىستىق سۋعا قول جەتكىزۋ ءۇشىن قول­دانىلعان. كە­يىنى­رەك بۇل جال­پىۇلتتىق كوممەرتسيالىق جوباعا ۇلاسقان. ەلدەگى گيدروجوبالار دا فەرمەرلەردىڭ ءوز شار­ۋا­شىلىعىن ەلەكتر قۋا­تىمەن قامتاماسىز ەتۋ نيەتىنەن دا­مي باستاعان. كەيىنىرەك بۇل جوبالار كولەمى ارتىپ, مەم­لە­كەت­تىڭ باستى باسىم با­عىت­تا­رى­نا اينالعان. وسى­لايشا, يس­لان­ديا­نىڭ جاڭارتىلاتىن ەنەرگيا كوز­دەرىنە تابىستى كوشكەن كورى­نە­دى. قاي ۋاقىتتا دا ىزدەنىستىڭ سوڭى جەتىستىككە ۇلاسادى ەمەس پە؟!