گەنەرال-لەيتەنانت نۇرلان ەرمەكباەۆ قارۋ-جاراقتىڭ ساقتالۋ جاعدايلارىنا, اسكەري تەحنيكانى كۇزەتۋدىڭ ۇيىمداستىرىلۋ تارتىبىنە, ورتكە قارسى جانە ديۆەرسياعا قارسى قاۋىپسىزدىكتىڭ جاي-كۇيىنە ەرەكشە نازار اۋداردى.
بۇدان وزگە, قورعانىس ءمينيسترى الماتى گارنيزونىنداعى ساقتاۋ بازاسىندا اسكەري ينفراقۇرىلىم نىساندارىنىڭ سالىنۋ بارىسىمەن, سونداي-اق ۇزاق ۋاقىت بويى ساقتالعان تەحنيكانى جوندەيتىن جانە قىزمەت كورسەتەتىن تسەحتىڭ جۇمىسىمەن تانىستى.
گۆاردەيسك گارنيزونىندا قورعانىس ۆەدومستۆوسىنىڭ باسشىسى بروندى تانك تەحنيكاسىنا اعىمدىق جانە ورتاشا جوندەۋ جۇرگىزىلەتىن قويمالار مەن ساقتاۋ الاڭدارىن, تسەحتىڭ جۇمىسىن قاراپ شىقتى.
سونداي-اق, ساقتاۋ بازالارىنىڭ كومانديرلەرى قورعانىس مينيسترىنە پايدالانىلمايتىن اسكەري م ۇلىكتى ەسەپتەن شىعارۋ, باعالاۋ جانە ودان ءارى ۋاكىلەتتى ورگانعا بەرۋ جونىندەگى جۇمىس تۋرالى ەسەپتەرىن ۇسىندى.
پايدانىلمايتىن اسكەر م ۇلىك جونىندەگى ماسەلەنى شەشۋ قورعانىس ۆەدومستۆوسى جۇمىسىنىڭ ماڭىزدى باعىتى سانالادى. كەڭەس زامانىنان بەرى بەلگىلەنگەن پايدالانۋ مەرزىمى وتكەن جانە پايدالانۋعا جارامسىز ماتەريالدىق زاتتار قارۋلى كۇشتەردە ساقتالۋدا.
ۇزاق جىلدار ىشىندە العاش رەت قورعانىس مينيسترلىگى كوپ جىلدار بويى ساقتالعان اسكەري تەحنيكانى تولىق تۇگەندەۋ مەن سۇرىپتاۋدى جۇرگىزدى. بۇدان ءارى قولدانۋدى جانە جوندەۋدى قاجەت ەتەتىن تەحنيكا قارۋلى كۇشتەردىڭ بالاسىندا قالماق. پايدالانۋعا جارامسىزدارى – ەسەپتەن شىعارىلىپ, ۋاكىلەتتى ورگاننىڭ ۆەدومستۆولىق ۇيىمدارىنا (يدم) بەرىلەدى.
سونىمەن قاتار, ۋاكىلەتتى ورگاننىڭ (يدم) ۆەدومستۆولىق ۇيىمدارى پايدالانىلمايتىن اسكەري م ۇلىكتى كادەگە جاراتادى نەمەسە بالانستىق قۇنى بويىنشا وتكىزەدى.
قازىرگى ۋاقىتتا قورعانىس مينيسترلىگىندە ۋاكىلەتتى ورگاننىڭ ۆەدومستۆولىق ۇيىمدارىنا (يدم) بالانستىق قۇنى 100 ميلليارد تەڭگەدەن اساتىن پايدالانىلمايتىن اسكەري م ۇلىكتى بەرۋ پروتسەسى ءجۇرىپ جاتىر. بۇل م ۇلىكتى ساتۋدان تۇسكەن قاراجات مەملەكەت بيۋدجەتىن تولىقتىرادى.
