ساپار بارىسىندا قوناقتار شاحماردان ەسەنوۆ اتىنداعى كاسپي تەحنولوگيالار جانە ينجينيرينگ ۋنيۆەرسيتەتىنىڭ كىتاپحاناسىندا «پاراسات جولى» ورتالىعىن سالتاناتتى تۇردە اشتى.
42 جىلدىق تاريحى بار, زاماناۋي تەحنولوگيالارمەن جابدىقتالعان ءبىلىم ورداسىندا 7 مىڭنان استام ستۋدەنت ءبىلىم الۋدا.
پاراسات جولىن ۇستانعان وقۋ ورنى «اشىقتىق, ىقىلاس, كرەاتيۆتىلىك» سىندى قۇندىلىقتاردى ۇلىقتايتىن ءبىلىم ورداسى.
اتالعان ورتالىق ادالدىق, پاراساتتىلىق, ادىلەتتىلىك قاعيداتتارىن قالىپتاستىرۋعا, سونداي-اق ۇلتتىق مادەنيەت پەن رۋحانيات قۇندىلىقتارىن قوعامدا ىلگەرىلەتۋگە باعىتتالعان تىڭ جوبا.
ۋنيۆەرسيتەت قابىرعاسىندا وقىتۋشىلىق-پروفەسسورلىق قۇرامى, ستۋدەنتتەر مەن وبلىستىڭ 51 ءبىلىم ورداسى باسشىلارىنىڭ قاتىسۋىمەن وتكەن كەلەلى كەزدەسۋدە جازيرا جىلقىشيەۆا سىبايلاس جەمقورلىققا قارسى ساياساتتىڭ جۇزەگە اسىرىلۋى, زاڭنامالىق وزگەرىستەر, سىبايلاس جەمقورلىققا قارسى مادەنيەتتى قالىپتاستىرۋداعى ىلگەرىلەۋلەر جايلى ءسوز قوزعادى.
سادىبەك تۇگەل ۇلتتىق مادەنيەت پەن رۋحانيات قۇندىلىقتارىن جاستار اراسىندا دارىپتەۋ ماڭىزدىلىعىن اتاپ ءوتتى جانە ء«بىزدىڭ ءدىلىمىز – ول ءبىزدىڭ پسيحولوگيامىز, مەنتاليتەتىمىز, پەيىلىمىز بەن پيعىلىمىز, سونى وزگەرتۋ كەرەك», دەدى ول ءوز سوزىندە.
بۇدان بولەك, ەركىن فورماتتا قوناقتاردىڭ قاتىسۋىمەن وتكەن جيىندا وسىدان 3 اپتا بۇرىن باستاۋ العان «AntiParaCraft-2021» ستۋدەنتتىك كۆەست ويىندارىنىڭ جەڭىمپازدارى ماراپاتتالدى.
كەزدەسۋ قاتىسۋشىلاردىڭ كوڭىلىنەن شىقتى, ال قوناقتار ساپارىن مۇنايلى اۋدانىنا جالعاستىردى.
