اتالعان كوماندانىڭ بەس مۇشەسى سوچيدە 11-22 ناۋرىزدا «كيۆين-2021» كوڭىلدى تاپقىرلار كلۋبى كوماندالارىنىڭ 32-ءشى حالىقارالىق فەستيۆالىندە ونەر كورسەتەدى. كومانداعا وبلىس اكىمدىگى مەن جەرگىلىكتى كاسىپكەر دەمەۋشىلىك كومەك كورسەتتى.
«بىزدە ازداعان قوبالجۋ بار. ويتكەنى, العاش رەت ورىس تىلىندە ونەر كورسەتەمىز. دەگەنمەن, ءبىزدىڭ كوماندا 12 جىلدان بەرى ونەر كورسەتىپ, ءبىراز تاجىريبە جينادى. رەسەيلىك كوڭىلدى تاپقىرلار كلۋبىندا ونەر كورسەتۋ ءار كوماندا مۇشەلەرىنىڭ ارمانى عوي. بۇل – ءبىزدىڭ بەسىنشى تالپىنىسىمىز. بۇعان دەيىن قارجىنىڭ جوقتىعىنان رەسەيگە بارا الماپ ەدىك», دەيدى «ساعىز» كومانداسىنىڭ كاپيتانى ەرنار ساكۋپوۆ.
ونىڭ ايتۋىنشا, كوماندا مۇشەلەرىنىڭ دەنى قىزىلقوعا اۋدانىنداعى ساعىز اۋىلىنىڭ جاستارىنان قۇرالىپتى. ولار ءازىل-سىقاق شوۋ-باعدارلامالارىنىڭ بىرنەشە دۇركىن جەڭىمپازى اتاندى. سونداي-اق «كوڭىلدى تاپقىرلار الاڭى» جاستار جوباسىنىڭ چەمپيونى بولعان ەدى. كوماندا مۇشەلەرى ەندى كراسنودار وڭىرلىك ليگاسىنا, سونان سوڭ رەسەيدىڭ ءبىرىنشى ليگاسىنا كىرۋدى جوسپارلاپ وتىر.
