اۋا رايى • 05 ناۋرىز، 2021

قازاقستاننىڭ 7 وبلىسىندا اۋا رايىنا بايلانىستى ەسكەرتۋ جاريالاندى

35 رەت كورسەتىلدى

قازاقستاننىڭ 7 وبلىسىنىڭ اۋماعىندا اۋا رايىنىڭ قولايسىزدىعىنا بايلانىستى ەسكەرتۋ جاريالاندى.

6 ناۋرىزدا قىزىلوردا وبلىسىنىڭ كەي جەرلەرىندە تۇمان ءتۇسۋى مۇمكىن. قىزىلوردا قالاسىندا ەرتەڭ كەي ۋاقىتتا تۇمان تۇسەدى.

6 ناۋرىزدا اقمولا وبلىسىنىڭ كەي جەرلەرىندە تۇمان تۇسەدى، كوكتايعاق بولادى، بۇرقاسىن سوعۋى مۇمكىن. وڭتۇستىك-باتىستان جەل سوعادى، تۇندە كۇشى 15-20، كەي جەرلەردە ەكپىنى 25 م/س جەتەدى، كۇندىز كەي جەرلەردە 15-20 م/س كۇشەيەدى. كوكشەتاۋدا ەرتەڭ كەي ۋاقىتتاردا جاياۋ بۇرقاسىن سوعۋى مۇمكىن. جولداردا كوكتايعاق بولادى. وڭتۇستىك-باتىستان جەل سوعادى، كۇشى 15-20، تۇندە ەكپىنى 23 م/س جەتەدى.

6 ناۋرىزدا قاراعاندى وبلىسىننىڭ كەي جەرلەرىندە تۇمان ءتۇسۋى مۇمكىن. وڭتۇستىك-باتىستان جەل سوعادى، كەي جەرلەرىندە كۇشى 15-20 م/س جەتەدى.

6 ناۋرىزدا قوستاناي وبلىسىنىڭ كەي جەرلەرىندە بۇرقاسىن سوعادى، تۇمان تۇسەدى، كوكتايعاق بولۋى ىقتيمال. وڭتۇستىك-باتىستان سوعاتىن جەل سولتۇستىك-باتىسقا اۋىسادى، كۇشى تۇندە 15-20، كەي جەرلەردە 23-28 م/س جەتەدى، كۇندىز كەي جەرلەردە 15-20 م/س كۇشەيەدى. قوستاناي قالاسىندا ەرتەڭ تۇندە جانە كۇندىز بوران سوعادى. وڭتۇستىك-باتىستان سوعاتىن جەل سولتۇستىك-باتىسقا اۋىسادى، كۇشى 15-20 م/س جەتەدى.

6 ناۋرىزدا سولتۇستىك قازاقستان وبلىسىندا تۇندە قار جاۋى ىقتيمال. كەي جەرلەردە تۇمان تۇسەدى، بۇرقاسىن سوعادى، كوكتايعاق بولۋى مۇمكىن. وڭتۇستىك-باتىستان، باتىستان جەل سوعادى، كۇشى 15-20 م/س، تۇندە كەي جەرلەردە ەكپىنى 23-28 م/س جەتەدى. پەتروپاۆلدا ەرتەڭ بوران سوعادى. وڭتۇستىك-باتىستان، باتىستان جەل سوعادى، كۇشى 15-20 م/س، تۇندە ەكپىنى 23-28 م/س جەتەدى.

6 ناۋرىزدا تۇركىستان وبلىسىنىڭ كەي جەرلەرىندە تۇستەن كەيىن نايزاعاي وينايدى. تۇندە كەي جەرلەردە تۇمان ءتۇسۋى مۇمكىن. وڭتۇستىك-باتىستان جەل سوعادى، كۇندىز كەي جەرلەردە كۇشى 15-20 م/س جەتەدى. 6 ناۋرىزدا باتىس قازاقستان وبلىسىنىڭ كەي جەرلەرىندە تۇمان تۇسەدى، بۇرقاسىن سوعادى، كوكتايعاق بولۋى مۇمكىن. جەل وڭتۇستىك-باتىستان سوعادى، كۇشى كەي جەرلەردە 15-20 م/س جەتەدى.

ورالدا ەرتەڭ تۇمان تۇسەدى، كوكتايعاق بولۋى مۇمكىن. جەل وڭتۇستىك-باتىستان سوعادى، تۇندە ەكپىنى 18 م/س جەتەدى.



سوڭعى جاڭالىقتار

ءسوزدىڭ جەتى بوياۋى

تانىم • كەشە

ورازانىڭ ءار ءساتى ساۋاپ

رۋحانيات • كەشە

ۇقساس جاڭالىقتار