ەكونوميكا • 02 ناۋرىز، 2021

ۇنەمدى وندىرىسكە – ۇلكەن قادام

15 رەت كورسەتىلدى

ۇنەمدى ءوندىرىس تاقىرىبى بۇگىندە وتە وزەكتى سانالادى. بيىل «قازمۇنايگاز» ۇك» اق ءوزىنىڭ ەنشىلەس كاسىپورىندارى جۇمى­سىنىڭ باعىتىن انىقتاعاندا، شىعارىندىلاردى ازايتۋعا جانە ۇنەمدى ءوندىرىس يدەيالارىن العا جىلجىتۋ ءۇشىن ەنەرگيالىق ءتيىمدى شارالاردى ەنگىزۋگە ەرەكشە نازار اۋداردى.

پاۆلودار مۇناي-حيميا زاۋىتى ۇنەمدى ءوندىرىس قاعيداتتارىن كاسىپورىنعا ەنگىزۋ بويىنشا جوسپارلى تۇردە جۇمىس جۇر­گىزىپ كەلەدى. زاۋىتتا وسى قاعيدات­تار­دى جۇزەگە اسىراتىن ءتورت نە­گىزگى باعىت انىقتالدى. ونى ءۇش تاقىرىپتىق بلوكقا بىرىكتىرۋگە بولادى: «ىسىراپتار مەن جاعۋ­لاردى تومەندەتۋ»، Lean Six Sigma، «قورشاعان ورتانى قور­عاۋ». ءاربىر تاقىرىپتىق بلوكتىڭ ىشىن­دە ءار باعىت بويىنشا پمحز جۇمى­سىن جاقسارتۋعا ارنالعان جوبالار مەن باعدارلامالار بار.

مىسالى، «ىسىراپتار مەن جاعۋلاردى تومەندەتۋ» بلوگى شەڭبەرىندە №1 مۇنايدى باس­تاپقى وڭدەۋ ءوندىرىسىنىڭ جانە №3 مۇنايدى تەرەڭ وڭدەۋ ءوندىرىسىنىڭ پەشتەرىن تەكسەرۋ جۇمىستارى باستالدى. بۇل جۇمىستار ولاردى جوبالىق مانگە جەتكىزۋ ماق­ساتىندا ورىندالادى، سونى­مەن قاتار بيتۋم شىعارۋ قوندىر­عىسىنىڭ پەشتەرىن اۋىستىرۋ بو­يىنشا جۇمىستار دا باستالدى.

كاسىپورىندا جەكە بلوك رە­تىندە Lean Six Sigma – «ۇنەمدى ءوندىرىس» باعدارلاماسى قىزمەت ەتەدى. ءادىس جانە باعدارلاما رەتىندە بۇل 2016 جىلى پمحز-دا ەنگىزىلدى جانە وسى كۇنگە دە­يىن قولدانىلادى. 2021 جىلى Lean Six Sigma 15 جوبانى قا­بىلدادى، قازىر ىسكە اسىرۋ با­رى­سىندا. بۇلار زاۋىتتىڭ بار­لىق وندىرىسىندە شىعىنداردى، سونىڭ ىشىندە ەلەكتر ەنەرگياسى­نىڭ، بۋدىڭ، سۋدىڭ، وندىرىستىك پەشتەردىڭ وتىندى تۇتىنۋىن، ءسىل­تىنىڭ شىعىندارىن وڭتاي­لان­دىرۋعا قاتىستى. سونىمەن قا­تار وڭتايلاندىرۋ جۇمىستارى تەح­نولوگيالىق قوندىرعىلار جۇمى­سىنىڭ ءتارتىبىن ۇيىمداستىرۋعا، زەرتحانالىق باقىلاۋ كەستەلەرىنە جانە زەرتحانالىق تالداۋ جۇرگىزۋ شىعىندارىنا دا قولدانىلادى.

«قورشاعان ورتانى قورعاۋ» بلوگى بەلسەندى دامىپ كەلەدى. زاۋىتتا «جەر. سۋ. اۋا» دەپ اتالاتىن باعدارلاما قولدانىسقا ەنگىزىلدى. سونىڭ ناتيجەسىندە سۋىت­قىش مۇنارالاردى كۇردەلى جون­دەۋدەن وتكىزۋ، تازارتىلعان اعىندار سۋ قۇبىرلارىن سارىمساق جيناقتاۋىشىنا دەيىن سالۋ، ەكى جاڭا قابىلداۋ سۇيىققويماسىن سالۋ، سۇيىققويمالارداعى تى­عىز­داعىش جاپقىشتاردى اۋىس­تىرۋ، اشىق مۇناي ونىمدەرىن اۆ­توماتتاندىرىلعان تاكتىلىك قۇيۋ قون­دىرعىسىن سالۋ جۇمىستارى جۇرگىزىلۋدە.

ۇنەمدى ءوندىرىس جىلىنا جوس­پارلانعان ءىس-شارالاردىڭ بار­لىعى زاۋىت شىعىندارىن، وتىن-ەنەرگەتيكالىق رەسۋرستارىن، تەح­نولوگيالىق ۇدەرىستىڭ ءار كە­زەڭ­دەرىندە شيكىزات شىعىنىن ازاي­تۋعا، سۋ رەسۋرستارىن ءتيىمدى پاي­­دالانۋعا، قورشاعان ورتاعا شى­­عارىندىلاردى ازايتۋعا جانە تۇ­تاستاي بۇكىل كاسىپورىن جۇ­مى­سى­نىڭ تيىمدىلىگىن ارتتىرۋعا مۇم­كىندىك بەرەدى.

سوڭعى جاڭالىقتار

الداعى اپتا كۇن جىلىنادى

اۋا رايى • بۇگىن، 12:57

سۇيىسپەنشىلىك ساباعى

ايماقتار • بۇگىن، 12:15

ەلوردادا كۇن جىلىنا باستايدى

ايماقتار • بۇگىن، 10:57

تۇرمەگە كىتاپ سىيلادى

ايماقتار • بۇگىن، 10:10

جاقسىنىڭ اتى ولمەيدى...

رۋحانيات • بۇگىن، 08:31

تەڭدىك ءتۇبى – بىرلىك

ەلباسى • بۇگىن، 08:03

جەكە كۋالىكتىڭ قاجەتى بولمايدى

ساياسات • بۇگىن، 07:47

تالدىنىڭ ماڭىن تازارتتى

رۋحانيات • بۇگىن، 07:38

جول ۇستىندەگى مۇزتاۋ

وقيعا • بۇگىن، 07:34

تالدىقۇدىق نەدەن تارىقتى؟

ايماقتار • بۇگىن، 07:33

جاھاندانۋ جايى وزەكتى

قوعام • بۇگىن، 07:24

حالىقارالىق شارتتار قارالدى

پارلامەنت • بۇگىن، 07:14

تاميلانىڭ تارتۋى

ونەر • كەشە

ۇقساس جاڭالىقتار