قازاقستان • 24 اقپان، 2021

ءماجىلىس كورنەكى اقپارات ماسەلەلەرىنە قاتىستى زاڭ جوباسىن I وقىلىمدا ماقۇلدادى

9 رەت كورسەتىلدى

بۇگىن ءماجىلىس سپيكەرى نۇرلان نىعماتۋليننىڭ توراعالىعىمەن وتكەن جالپى وتىرىستا بىرقاتار زاڭ جوبالارى ماقۇلداندى.

اتاپ ايتقاندا، «قازاقستان رەسپۋبليكاسىنىڭ كەيبىر زاڭنامالىق اكتىلەرىنە كورنەكى اقپارات ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ءبىرىنشى وقىلىمدا ماقۇلداندى.

زاڭ جوباسىنىڭ ماقساتى ورفوگرافيا نورمالارىن جانە ماتىندەردىڭ تەڭتۇپنۇسقالى اۋدارماسىن ساقتاۋ جونىندەگى تالاپتاردى بەلگىلەۋ ارقىلى دەرەكتەمەلەر مەن كورنەكى اقپاراتتى ورنالاستىرۋ ماسەلەلەرى بويىنشا قازاقستان رەسپۋبليكاسىنىڭ زاڭناماسىن ودان ءارى جەتىلدىرۋ بولىپ تابىلادى. زاڭ جوباسى دەرەكتەمەلەر مەن كورنەكى اقپاراتتى مەملەكەتتىك تىلدە جانە باسقا دا تىلدەردە ورنالاستىرۋ ءتارتىبىن قۇقىقتىق رەتتەۋدى ارتتىرۋعا باعىتتالعان.

وسىعان بايلانىستى، زاڭ جوباسىندا قازاقستان رەسپۋبليكاسىنىڭ 13 زاڭنامالىق اكتىسىنە وزگەرىستەر ەنگىزۋ ۇسىنىلادى. سونىمەن قاتار جالپى وتىرىستا ءماجىلىس بىرقاتار راتيفيكاتسيالىق زاڭ جوبالارىن ماقۇلداyدى. ولار:  قازاقستان مەن سولتۇستىك ماكەدونيا اراسىنداعى ادامداردى ۇستاپ بەرۋ مەن سوتتالعان ادامداردى بەرۋ جانە ءوزارا قۇقىقتىق كومەك تۋرالى شارتتاردى راتيفيكاتسيالاۋ تۋرالى زاڭ جوبالارى.

سولتۇستىك ماكەدونيا اراسىنداعى ادامداردى ۇستاپ بەرۋ تۋرالى شارتقا سايكەس، تاراپتار ۇستاپ بەرۋگە اكەپ سوعاتىن قىلمىستار ءۇشىن قىلمىستىق قۋدالاۋدى جۇزەگە اسىرۋ نەمەسە سوت ۇكىمىن ورىنداۋ ءۇشىن وزدەرىنىڭ اۋماقتارىندا جۇرگەن ىزدەۋدەگى ادامداردى ءبىر-بىرىنە ۇستاپ بەرۋگە مىندەتتەنەدى.

 شارتتى راتيفيكاتسيالاۋ ەكى ەلدىڭ قىلمىسقا قارسى كۇرەستەگى ىنتىماقتاستىعىنىڭ تيىمدىلىگىن ارتتىرادى.

ال، سولتۇستىك ماكەدونيا رەسپۋبليكاسى اراسىنداعى سوتتالعان ادامداردى بەرۋ تۋرالى شارت جوباسى قۇقىققا سىيىمدى بولىپ تابىلادى. ويتكەنى ول حالىقارالىق قۇقىقتىڭ جالپى تانىلعان قاعيداتتارى مەن نورمالارىنا، قازاقستان مەن سولتۇستىك ماكەدونيانىڭ ۇلتتىق زاڭناماسىنا تولىق سايكەس ازىرلەنگەن جانە جاسالعان.

دەپۋتاتتار ەكىنشى وقىلىمدا اكىمشىلىك قۇقىق بۇزۋشىلىق تۋرالى كودەكسكە جانە سوت جۇيەسىن جاڭعىرتۋ ماسەلەلەرىنە تۇزەتۋ ەنگىزۋ تۋرالى زاڭ جوبالارىن ماقۇلدادى.

وتىرىس بارىسىندا دەپۋتاتتار «جەر قويناۋى جانە جەر قويناۋىن پايدالانۋ تۋرالى» قازاقستان رەسپۋبليكاسىنىڭ كودەكسىنە ۋران ءوندىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭىنىڭ جوباسىنا سەنات ەنگىزگەن وزگەرىستەن كەلىستى.

سونداي-اق، الداعى جالپى وتىرىستا ءماجىلىستىڭ كوميتەتتەرى ءبىرشاما زاڭ جوبالارىن جۇمىسقا الادى. اتاپ ايتقاندا، داۋلاردى سوتتان تىس جانە سوتقا دەيىنگى رەتتەۋ ينستيتۋتتارىن دامىتۋ ماسەلەلەرى، ەاەو تۋرالى شارتقا ارمەنيانىڭ قوسىلۋى تۋرالى حاتتامانى راتيفيكاتسيالاۋ،  سونداي-اق ەاەو تۋرالى شارتقا قىرعىز رەسپۋبليكاسىنىڭ قوسىلۋىنا بايلانىستى بىرقاتار حالىقارالىق قۇجاتتاردى راتيفيكاتسيالاۋعا قاتىستى زاڭ جوبالارى بار.

وتىرىس سوڭىندا ءماجىلىس دەپۋتاتتارى مەملەكەتتىك ورگاندار باسشىلارىنا دەپۋتاتتىق ساۋالدار جولدادى. ولار: ف.قاراتاەۆ، ا.پلاتونوۆ، ا.جامالوۆ، ب.دۇيسەنبينوۆ، ە.سمايلوۆ،ا.ميليۋتين، ا.نۇركينا،  ف.كامەنوۆ، يۋ.لي، ا.قوڭىروۆ، ە.ومىرعالي، س.ناكپاەۆ، س.ەرۋباەۆ، د.زاكيەۆا، ن.راززاك، ا.ابىلداەۆ، ا.سقاقوۆا، ە.سمىشلياەۆا.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ۇقساس جاڭالىقتار