بۇل تۋرالى ول Truth Social پاراقشاسىندا جازدى. ونىڭ ايتۋىنشا, اقش اسكەري ارەكەتتەردى توقتاتۋ بويىنشا «جاڭا ءارى اقىلعا قونىمدى» رەجيممەن كەلىسسوزدەر جۇرگىزىپ جاتىر.
«ايتارلىقتاي ىلگەرىلەۋ بار. بىراق قانداي دا ءبىر سەبەپپەن كەلىسىمگە جاقىن ارادا قول جەتكىزىلمەسە, بۇل بولۋى مۇمكىن, ءارى ورمۋز بۇعازى دەرەۋ اشىلماسا, ءبىز يرانداعى «قاتىسۋىمىزدى» اياقتاپ, ادەيى تيىسپەگەن ەلەكتر ستانتسيالارىن, مۇناي ۇڭعىمالارىن جانە حارگ ارالىن تولىقتاي جويامىز», دەدى ترامپ.
سونداي-اق ول مۇنداي قادامدى «ەسكى رەجيمنىڭ 47 جىل بويى جاساعان زورلىق-زومبىلىقتارى ءۇشىن جاۋاپ» دەپ اتادى.
23 ناۋرىزدا دونالد ترامپ يراننىڭ ەنەرگەتيكالىق نىساندارىنا سوققى بەرۋ تۋرالى شەشىمدى بەس كۇنگە كەيىنگە قالدىرعانىن ايتقان بولاتىن. ول كەزدە ۆاشينگتون مەن تەگەران اراسىندا «وتە جاقسى ءارى ناتيجەلى كەلىسسوزدەر» وتكەنىن مالىمدەگەن.
دونالد ترامپ: يرانعا قارسى سوعىستا اقش-قا ناتو ەلدەرىنىڭ كومەگى قاجەت ەمەس
وسى مالىمدەمەدەن كەيىن Brent ماركالى مۇناي باعاسى 7%-دان استام تومەندەپ, باررەلىنە شامامەن 104 دوللار دەڭگەيىنە ءتۇستى.
