فوتو: Pixabay.com
سوت مالىمەتىنە سايكەس, ۇزاققا سوزىلعان م ۇلىك داۋى ناتيجەسىندە ايەل كۇيەۋىمەن اجىراسقىسى كەلگەن. اجىراسۋ كەزىندە ونىڭ جەكە مەنشىگىندە تىركەلگەن قۇنى 125 ميلليون تەڭگەدەن اساتىن كاسىپورىن ايەلدىڭ يەلىگىندە قالۋى ءتيىس بولعان, ويتكەنى بۇل كاسىپورىن نەكەگە قاتىسى جوق جەكە مەنشىگى بولعان.
2024 جىلدىڭ تامىز ايىنىڭ ورتاسىندا ەر ادام ايەلىنەن قۇتىلۋعا بەل بۋىپ, ونىڭ اتىنا تىركەلگەن كاسىپورىندى مۇرا رەتىندە يەمدەنۋدى كوزدەگەن. ول ايەلىن تابيعاتقا دەمالۋعا اپارىپ, قايىقتا ءجۇزۋ كەزىندە سۋعا ءتۇسىرىپ, باتىرىپ ولتىرگەن.
جابىرلەنۋشىلەر مەن ولاردىڭ وكىلدەرى قىلمىسكەرگە ءومىر بويىنا باس بوستاندىعىنان ايىرۋ جازاسىن تاعايىنداۋدى سۇراعان.
ايىپتالۋشى قىلمىسىن مويىنداماعان.
«جاۋاپكەرشىلىكتى جەڭىلدەتەتىن جاعدايلار ەسكەرىلىپ – بۇرىن سوتتالماعانى, ارىپتەستەرى مەن قىزمەتتەستەرىنەن الىنعان جاقسى مىنەزدەمەسى, سونداي-اق اۋىرلاتاتىن جاعدايلاردىڭ بولماۋى نەگىزىندە سوت ك.-نى قر قك 99-بابى 2-ءبولىم 8-تارماعى بويىنشا كىنالى دەپ تانىپ, ورتا قاۋىپسىزدىكتى قامتاماسىز ەتەتىن قىلمىستىق-اتقارۋ جۇيەسى مەكەمەلەرىندە 15 جىلعا باس بوستاندىعىنان ايىرۋ جازاسىن تاعايىندادى», دەلىنگەن سوت حابارلاماسىندا.
ۇكىم ءالى زاڭدى كۇشىنە ەنگەن جوق.
تالعارداعى ادام ءولىمى مەن بالا ۇرلىعى: ۋچاسكەلىك ينسپەكتورعا ۇكىم شىقتى
