فوتو: istockphoto.com
وتكەن اپتادا اقش ازاماتتىق جانە يمميگراتسيالىق قىزمەتىنىڭ (USCIS) وكىلى ەلدە ۋاقىتشا تۇرىپ جاتقان جانە تۇراقتى تۇرۋعا رۇقسات (گرين-كارتا) العىسى كەلەتىن شەتەل ازاماتتارى توتەنشە جاعدايلاردى قوسپاعاندا, ءوتىنىش بەرۋ ءۇشىن ءوز ەلدەرىنە ورالۋى ءتيىس ەكەنىن مالىمدەگەن بولاتىن.
بۇل تالاپ ونداعان جىلدار بويى قالىپتاسقان تاجىريبەنى وزگەرتۋى مۇمكىن ەدى. بۇعان دەيىن تۋىستارى نەمەسە جۇمىس بەرۋشىلەرى دەمەۋشىلىك جاساعان يمميگرانتتار گرين-كارتا راسىمدەۋ كەزەڭىندە اقش اۋماعىندا قالا الاتىن.
الايدا بۇل مالىمدەمە يمميگرانتتار مەن جۇمىس بەرۋشىلەر اراسىندا الاڭداۋشىلىق تۋعىزىپ, كوپتەگەن سىن ايتىلدى. وسىعان بايلانىستى اقش ىشكى قاۋىپسىزدىك مينيسترلىگى قوسىمشا تۇسىنىكتەمە بەردى.
مينيسترلىكتىڭ حابارلاۋىنشا, جاڭا تالاپتار جوعارى بىلىكتى ماماندارعا, اقش-تىڭ ۇلتتىق مۇددەلەرىنە قىزمەت ەتەتىن ازاماتتارعا جانە ەل ەكونوميكاسىنا پايدا اكەلەتىن تۇلعالارعا قولدانىلمايدى.
The New York Times باسىلىمىنىڭ جازۋىنشا, العاشقى مالىمدەمەدەن كەيىن يمميگراتسيالىق زاڭگەرلەرگە الاڭداعان كليەنتتەردەن كوپتەگەن قوڭىراۋلار تۇسكەن. ولار بۇل باستاما دونالد ترامپ اكىمشىلىگىنىڭ زاڭدى يمميگراتسيانى شەكتەۋگە باعىتتالعان كەزەكتى قادامى بولۋى مۇمكىن دەپ قاۋىپتەنگەن.
بوستوندىق يمميگراتسيالىق ادۆوكات ەليزابەت گوسس باستاپقى تالاپتى «ادامداردى ەلدەن كەتۋگە ماجبۇرلەۋدىڭ تاعى ءبىر ءتاسىلى» دەپ باعالاعان.
سونىمەن قاتار ىشكى قاۋىپسىزدىك مينيسترلىگى كەيبىر ءوتىنىش بەرۋشىلەرگە قۇجات راسىمدەۋ پروتسەسىن شەتەلدەگى اقش ەلشىلىكتەرى نەمەسە كونسۋلدىقتارىندا باستاۋ قاجەت بولۋى مۇمكىن ەكەنىن اتاپ ءوتتى. دەگەنمەن بۇل وزگەرىستەر قازىرگى زاڭدى تۇراقتى تۇرعىنداردىڭ مارتەبەسىنە اسەر ەتپەيدى.
