فاريد نيازوۆ ءار جىلدارى مەملەكەتتىك قىزمەتتە ەڭبەك ەتىپ, جۋرناليستيكا سالاسىندا جۇمىس ىستەگەن. سونداي-اق ول بۇرىنعى پرەزيدەنت المازبەك اتامباەۆتىڭ كەڭەسشىسى بولىپ, كەيىن ونىڭ اكىمشىلىگىن باسقارعان.
نيازوۆقا قاتىستى سوڭعى ۇكىم 2019 جىلعى قوي-تاش اۋىلىنداعى وقيعالارعا بايلانىستى شىعارىلعان ەدى. سول كەزدە ارنايى قىزمەت وكىلدەرى ەكس-پرەزيدەنت اتامباەۆتى ۇستاۋعا ارەكەت جاساپ, وپەراتسيا ءتارتىپ ساقشىلارى مەن ونىڭ جاقتاستارى اراسىنداعى قاقتىعىسقا ۇلاسقان.
قىرعىزستاندا قامشىبەك تاشيەۆكە قاتىستى سوت پروتسەسى ءوتىپ جاتىر
سوت نيازوۆتى جاپپاي تارتىپسىزدىك ۇيىمداستىرۋ, بيلىك وكىلىنە كۇش قولدانۋ, كەپىلگە ادام الۋ جانە باسقا دا باپتار بويىنشا كىنالى دەپ تانىپ, ونى 7 جىل 8 اي مەرزىمگە باس بوستاندىعىنان ايىرعان بولاتىن. سونىمەن قاتار ول ءۇش جىل بويى مەملەكەتتىك قىزمەت اتقارۋ قۇقىعىنان ايىرىلدى.
كەيىن بىشكەك قالالىق سوتى ءىستى قايتا قاراپ, ۇكىمنىڭ كەيبىر تۇستارىن وزگەرتكەنمەن, نيازوۆقا تاعايىندالعان جازا مەرزىمىن وزگەرىسسىز قالدىردى.
ەسكە سالايىق, قوي-تاش وقيعاسى بويىنشا المازبەك اتامباەۆ 11 جىل 3 ايعا باس بوستاندىعىنان ايىرىلعان ەدى. وسىعان قاراماستان, قىرعىزستان پرەزيدەنتى سادىر جاپاروۆ فاريد نيازوۆقا كەشىرىم جاساۋ تۋرالى شەشىم قابىلدادى.
