Lada.kz-ءتىڭ مالىمدەۋىنشە بالانىڭ اتا-اناسى 27 مامىر كۇنى كەشكە ۇلىن ۇيىنە الىپ كەتكەن كەزدە بالانىڭ دەنەسىنەن كوگەرگەن ىزدەر مەن سىزاتتاردى بايقاعان. وسىدان كەيىن ولار مەكەمە اكىمشىلىگىنەن تۇسىنىكتەمە تالاپ ەتىپ, كەيىن پوليتسيا مەن پروكۋراتۋراعا ارىز جازعان.
اتا-انالاردىڭ مالىمەتىنشە, ورتالىق قىزمەتكەرلەرى جاراقاتتاردى باسقا تاربيەلەنۋشى سالۋى مۇمكىن ەكەنىن ايتقان. سونداي-اق ولار ءارتۇرلى جاستاعى بالالاردىڭ بىرگە ورنالاستىرىلۋى مەن مەكەمەدەگى سانيتارلىق جاعدايعا قاتىستى دا شاعىمدارىن جەتكىزدى.
ماڭعىستاۋ وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى وقيعانىڭ بولعانىن راستادى. ۆەدومستۆونىڭ الدىن الا مالىمەتىنە سايكەس, كەزەكشىلىك كەزىندە جاۋاپتى قىزمەتكەر ءوز مىندەتىن تيىسىنشە ورىنداماعاندىقتان بالالار باقىلاۋسىز قالعان. سونىمەن قاتار, وقيعا تۋرالى ورتالىق باسشىلىعى مەن بالانىڭ زاڭدى وكىلدەرىنە دەر كەزىندە حابار بەرىلمەگەن.
قازىرگى ۋاقىتتا ارنايى كوميسسيا قۇرىلىپ, جان-جاقتى قىزمەتتىك تەكسەرۋ جۇرگىزىلۋدە. تەكسەرۋ بارىسىندا قاۋىپسىزدىك تالاپتارىنىڭ ساقتالۋى, مەكەمە جۇمىسىنىڭ ۇيىمداستىرىلۋى جانە لاۋازىمدى تۇلعالاردىڭ ارەكەتتەرى باعالانادى.
اقمولاداعى بالاباقشادا بولعان جانجال: تاربيەشى جۇمىستان شىعارىلدى
پوليتسيا دەپارتامەنتى اتالعان دەرەك بويىنشا سوتقا دەيىنگى تەرگەۋ باستالعانىن حابارلادى. تەرگەۋ ناتيجەسىندە وقيعانىڭ بارلىق ءمان-جايى انىقتالىپ, جاۋاپتى تۇلعالاردىڭ ارەكەتىنە قۇقىقتىق باعا بەرىلەدى.
وڭىرلىك بيلىك بۇل ماسەلەنى ەرەكشە باقىلاۋعا الىپ, كىنالىلەر انىقتالعان جاعدايدا ءتيىستى جاۋاپكەرشىلىككە تارتىلاتىنىن مالىمدەدى.
