1 ماۋسىمنان باستاپ جۇرگىزۋشىلەردىڭ مارتەبەسى اي سايىن جينالعان ۇپايلار نەگىزىندە انىقتالادى. جاڭارتىلعان باعدارلاما بەس دەڭگەيدەن تۇرادى: «شەبەر», «كاسىپقوي», «ساراپشى», «چەمپيون» جانە «اڭىز».
العاشقى ءۇش دەڭگەيگە جەتۋ ءۇشىن جۇرگىزۋشىلەرگە ساپارلار ورىنداپ, ۇپاي جيناۋ جەتكىلىكتى. ال «چەمپيون» جانە «اڭىز» دەڭگەيلەرىنە كوتەرىلۋ ءۇشىن سەرۆيستە ۇزاق ۋاقىت بويى بەلسەندى جۇمىس ىستەۋ قاجەت. ماسەلەن, «چەمپيون» مارتەبەسىن الۋ ءۇشىن قاتارىنان كەمىندە 12 اي, ال «اڭىز» دەڭگەيىنە جەتۋ ءۇشىن 36 اي تۇراقتى قىزمەت كورسەتۋ تالاپ ەتىلەدى.
دەڭگەي جوعارىلاعان سايىن جۇرگىزۋشىلەر ءۇشىن قوسىمشا مۇمكىندىكتەر دە ارتا تۇسەدى. ولاردىڭ قاتارىندا ياندەكس پليۋس جازىلىمى, تاپسىرىستاردى كوبىرەك الۋ ءۇشىن بەرىلەتىن باسىمدىق ۇپايلارى جانە باسقا دا ارنايى ارتىقشىلىقتار بار.
باعدارلامانىڭ ەڭ ماڭىزدى جاڭالىعى – كوميسسيالىق جەڭىلدىكتەر. «چەمپيون» دەڭگەيىندەگى جۇرگىزۋشىلەر ءۇشىن سەرۆيس كوميسسياسى 3 پايىزدىق تارماققا تومەندەسە, «اڭىز» مارتەبەسىن العاندار ءۇشىن بۇل كورسەتكىش 8 پايىزدىق تارماققا دەيىن قىسقارادى. جەڭىلدىك بارلىق تاكسي تاپسىرىستارىنا اۆتوماتتى تۇردە قولدانىلىپ, كوميسسيانىڭ جالپى كولەمىنەن شەگەرىلەدى.
كومپانيانىڭ باعالاۋىنشا, جاڭا جۇيەنىڭ ارقاسىندا ياندەكس پرو پلاتفورماسىنىڭ سەرىكتەس جۇرگىزۋشىلەرى 2026 جىلدىڭ سوڭىنا دەيىن قوسىمشا 1,7 ميلليارد تەڭگەدەن استام تابىس تابۋى مۇمكىن.
تاكسي ءۇشىن جاڭا تالاپ ەنگىزىلدى: ەندى اپات بولعان جاعدايدا تاسىمالداۋشىنى انىقتاۋ جەڭىلدەيدى
باعدارلاماداعى دەڭگەيلەر اۆتوماتتى تۇردە ەسەپتەلەدى. بۇل رەتتە جۇرگىزۋشىنىڭ سەرۆيستەگى بۇرىنعى جۇمىس تاجىريبەسى مەن ساپارلار تاريحى دا ەسكەرىلەدى.
