قازاقستان رەسپۋبليكاسى توتەنشە جاعدايلار مينيسترلىگىنىڭ ءباسپاسوز قىزمەتىنىڭ حابارلاۋىنشا, ءورت سوندىرۋشىلەر وقيعا ورنىنا جەتكەن كەزدە جالىن قاتار ورنالاسقان ءۇش ءۇيدىڭ شاتىرىن تولىق شارپىعان.
قۇتقارۋشىلاردىڭ جۇمىسىنا جانعىش ماتەريالداردىڭ كوپتىگى مەن قويۋ ءتۇتىن كەدەرگى كەلتىرگەن. سوعان قاراماستان, ءورت ءسوندىرۋ قىزمەتى ۇزدىكسىز سۋ بەرۋدى ۇيىمداستىرىپ, بىرنەشە ءورت ءسوندىرۋ وقپانىن ىسكە قوستى.
ءورت سوندىرۋشىلەر جالىن وشاعىنان بەس گاز باللونىن دەر كەزىندە شىعارىپ, ىقتيمال جارىلىستىڭ الدىن الدى.
قازىرگى ۋاقىتتا ءورت تولىقتاي ءسوندىرىلدى. زارداپ شەككەندەر تۋرالى اقپارات تۇسكەن جوق.
