قايعىلى وقيعا لونگۆيۋ قالاسىنداعى قاعاز جانە تسەلليۋلوزا وندىرەتىن زاۋىتتا بولعان. كاسىپورىندا قاعاز ماسساسىن وندىرۋدە قولدانىلاتىن حيميالىق ەرىتىندى ساقتالعان رەزەرۆۋار جارىلعان. اپات كەزىندە قۇرامىندا ناتري گيدروكسيدى مەن ناتري ءسۋلفيدى بار سۇيىقتىق سىرتقا توگىلگەن.
العاشىندا ەكى ادامنىڭ قازا تاپقانى راستالعان ەدى. كەيىن قۇتقارۋشىلار بىرنەشە كۇنگە سوزىلعان ىزدەستىرۋ جۇمىستارى بارىسىندا تاعى توعىز جۇمىسشىنىڭ دەنەسىن تاپتى. ىزدەۋ كەزىندە عيمارات ۇيىندىلەرى تەكسەرىلىپ, اۋماقتى باقىلاۋ ءۇشىن دروندار پايدالانىلعان.
بيلىك وكىلدەرىنىڭ مالىمەتىنشە, رەزەرۆۋاردا شامامەن 3,4 ميلليون ليتر حيميالىق ەرىتىندى بولعان. اپاتتان كەيىن ونىڭ ءبىر بولىگى كولۋمبيا وزەنىنە اعىپ كەتكەن. الايدا ماماندار ازىرگە اۋىز سۋ مەن اۋا ساپاسىنا ايتارلىقتاي قاۋىپ انىقتالماعانىن مالىمدەدى.
اپاتتىڭ ناقتى سەبەپتەرى انىقتالىپ جاتىر, وقيعا بويىنشا تەرگەۋ جۇرگىزىلۋدە.
