فوتو: تۋريزم جانە سپورت مينيسترلىگى
جارىس قورىتىندىسى بويىنشا قازاقستان قۇراماسى 1-ورىنعا يە بولدى. ەكىنشى ورىن وزبەكستانعا بۇيىرسا, قىرعىزستان كومانداسى قولا جۇلدەنى يەلەندى.
تۋرنير جەڭىمپازى اتانعان قازاقستاننىڭ جاس باسكەتبولشىلارى 2026 جىلدىڭ قىركۇيەگىندە تايلاندتا وتەتىن FIBA U18 Women’s Asia Cup جارىسىنا قاتىسۋ مۇمكىندىگىنە يە بولدى. بۇل – جاس سپورتشىلار ءۇشىن ۇلكەن حالىقارالىق الاڭعا جول اشاتىن ماڭىزدى جەتىستىك.
اتىراۋدا باسكەتبول الاڭىندا 13 جاستاعى ءجاسوسپىرىم كوز جۇمدى
استانادا وتكەن ىرىكتەۋ ءتۋرنيرى ايەلدەر باسكەتبولى ءۇشىن ماڭىزدى وقيعا رەتىندە باعالاندى. جارىس FIBA تالاپتارىنا تولىق سايكەس جوعارى دەڭگەيدە ۇيىمداستىرىلدى.
سونداي-اق ماتچتارعا قىزمەت كورسەتۋ ءۇشىن كورەيا مەن موڭعوليادان حالىقارالىق دارەجەدەگى تورەشىلەر شاقىرىلدى. بۇل جارىستىڭ ساپاسىن ارتتىرىپ قانا قويماي, وتاندىق تورەشىلەر مەن ماماندار ءۇشىن دە تاجىريبە الاڭىنا اينالدى.
ايتا كەتەيىك, مۇنداي حالىقارالىق تۋرنيرلەردى قازاقستاندا وتكىزۋ:
- جاس سپورتشىلاردىڭ شەبەرلىگىن ارتتىرۋعا;
- جاتتىقتىرۋشىلار مەن تورەشىلەردىڭ تاجىريبە جيناۋىنا;
- ەلدەگى ايەلدەر باسكەتبولىنىڭ دامۋىنا;
- قازاقستاننىڭ حالىقارالىق سپورتتاعى بەدەلىن نىعايتۋعا ىقپال ەتەدى.
سالا مينيسترلىگى اتاپ وتكەندەي, ەلىمىزدە وسىنداي دەڭگەيدەگى جارىستاردىڭ ءوتۋى سپورت ينفراقۇرىلىمىنىڭ دامىعانىن جانە حالىقارالىق ستاندارتتارعا ساي ەكەنىن كورسەتەدى.
