Ranking.kz مالىمەتىنە سايكەس, ءوسىمنىڭ ەڭ جوعارعى كەزەڭى 2023 جىلعا تيەسىلى – 120,1 ملرد تەڭگە. بيىلعى جىلدىڭ قاڭتارىندا كاسكو سەگمەنتىندە جينالعان جارنالار كولەمى 7,8 ملرد تەڭگەنى قۇراپ, 2025 جىلعى قاڭتارمەن سالىستىرعاندا 11,4%-عا ارتتى (7 ملرد تەڭگە).
كاسكو ساقتاندىرۋىنىڭ تانىمالدىعى – ونىڭ اۆتوكولىكتى كەشەندى قورعاۋ قۇرالى رەتىندە ماڭىزدىلىعىندا. بۇل ەرىكتى پوليس اپاتتان, ۇرلىقتان, تابيعي اپاتتاردان نەمەسە ءۇشىنشى تۇلعالاردىڭ زاڭسىز ارەكەتتەرىنەن كەلەتىن شىعىنداردى قامتيدى, سوندىقتان اۆتوكولىك يەسىنە تولىق قارجىلىق سەنىمدىلىك بەرەدى.
سوڭعى ون جىلدا كاسكو سەگمەنتىندەگى تولەمدەر 5,7 ملرد تەڭگەدەن 29,6 ملرد تەڭگەگە دەيىن ءوستى. بيىلعى قاڭتاردا ساقتاندىرۋ تولەمدەرى 2,2 ملرد تەڭگە بولدى, ال 2025 جىلعى قاڭتاردا – 2,3 ملرد تەڭگە.
جارنالار كولەمى بويىنشا كوشباسشى – Halyk Insurance (2,3 ملرد تەڭگە). ودان كەيىن Sinoasia B&R (1,7 ملرد), ەۆرازيا (980 ملن) جانە نەفتيانايا ستراحوۆايا كومپانيا (827,7 ملن) تۇر.
قازاقستاندىقتار ءۇشىن ەڭ ماڭىزدى كورسەتكىش – ساقتاندىرۋ تولەمدەرى. اۆتوكولىك يەلەرىنىڭ شىعىندارىن ۋاقىتىندا جانە تولىق وتەۋ كومپانيانىڭ قارجىلىق تۇراقتىلىعىن كورسەتەدى. كاسكو بويىنشا تولەمدەردە ءبىرىنشى ورىندا Halyk Insurance (441,3 ملن تەڭگە), بۇل كومپانيانىڭ سەنىمدى ەكەنىن دالەلدەيدى. سونداي-اق, Halyk Insurance پوليستەرىنە 50% جەڭىلدىك سياقتى اكتسيالار ارقىلى دا سۇرانىستى ارتتىرادى. اكتسيا تەك 1 ساۋىرگە دەيىن جارامدى, بىراق ءبولىپ تولەۋ مۇمكىندىگى كەيىن دە بار.
تولەمدەر كولەمى بويىنشا ەكىنشى ورىندا – ەۆرازيا (314,7 ملن) جانە نەفتيانايا ستراحوۆايا كومپانيا (289,6 ملن). مىندەتتى ازاماتتىق-قۇقىقتىق جاۋاپكەرشىلىكتى ساقتاندىرۋ سەگمەنتىندە دە ءوسىم بار: 2015–2025 جىلدار ارالىعىندا جارنالار 38,5 ملرد تەڭگەدەن 136,8 ملرد تەڭگەگە جەتتى, ال بيىلعى قاڭتاردا – 11,7 ملرد تەڭگە.
ساقتاندىرۋ تولەمدەرى دە وسۋدە: 18,2 ملرد تەڭگەدەن 105,9 ملرد تەڭگەگە دەيىن. بيىلعى قاڭتاردا تولەمدەر 9,2 ملرد تەڭگە بولىپ, وتكەن جىلمەن سالىستىرعاندا 26% ءوستى.
كەيبىر جۇرگىزۋشىلەر ءۇشىن اۆتوساقتاندىرۋ قۇنى ارزاندايتىن بولدى
مىندەتتى ازاماتتىق-قۇقىقتىق جاۋاپكەرشىلىكتى ساقتاندىرۋ سەگمەنتىندە دە كوشباسشى Halyk Insurance – 5,3 ملرد تەڭگە. تولەمدەر بويىنشا نەگىزگى جۇكتەمە Halyk Insurance جانە Freedom Finance Insurance كومپانيالارىنا تيەسىلى (ارقايسىسى 2,6 ملرد تەڭگە), ءۇشىنشى ورىندا – ەۆرازيا (1,1 ملرد).
وسىلايشا, Halyk Insurance كاسكو مەن مىندەتتى ازاماتتىق-قۇقىقتىق جاۋاپكەرشىلىكتى ساقتاندىرۋ سەگمەنتتەرىندە دە كوشباسشى بولىپ, قازاقستانداعى اۆتوكولىك يەلەرى ءۇشىن ەڭ سەنىمدى ساقتاندىرۋ كومپانياسى ەكەندىگىن دالەلدەيدى.
