فوتو: kazgazeta.kz
سوڭعى ۋاقىتتا جەكەلەگەن تۇلعالار تاراپىنان ۇلتتىق داستۇرلەر مەن ادەت-عۇرىپتارعا قاتىستى تەرىس پىكىرلەردىڭ جاريا تۇردە تارالۋى تىركەلگەن. اتاپ ايتقاندا, كوپعاسىرلىق تاريحى بار ناۋرىز مەيرامىنا قاتىستى بۇرمالانعان جانە نەگىزسىز تۇجىرىمدار ايتىلعان. مۇنداي مالىمدەمەلەر جالعان ءدىني دوگمالارمەن بايلانىستىرىلىپ, قوعامدا جاڭساق تۇسىنىك قالىپتاستىرۋعا باعىتتالعان.
باس پروكۋراتۋرا بۇل ارەكەتتەردىڭ كونستيتۋتسيادا بەكىتىلگەن زايىرلى مەملەكەت قاعيدالارىنا قايشى ەكەنىن اتاپ ءوتتى. سونىمەن قاتار, مۇنداي اقپاراتتار ۇلتارالىق جانە دىنارالىق تاتۋلىققا نۇقسان كەلتىرىپ, قوعامدىق كەلىسىمگە قاۋىپ ءتوندىرۋى مۇمكىن.
قاداعالاۋشى ورگان جۋرناليستەر, بلوگەرلەر جانە اقپاراتتىق رەسۋرستار يەلەرىنىڭ جاۋاپكەرشىلىگىن ەرەكشە اتاپ ءوتتى. جالعان نەمەسە ارانداتۋشىلىق سيپاتتاعى پىكىرلەردى تاراتۋعا جول بەرگەن جاعدايدا:1414-تەن حابارلاما: باس پروكۋراتۋرا الاياقتارعا الدانىپ قالماۋ جولىن ايتتى
- مۇنداي كونتەنتتىڭ تارالۋىنا ىقپال ەتەدى;
- قوعام ساناسىنا تەرىس اسەر ەتەدى;
- گەندەرلىك تەڭسىزدىككە جول بەرىپ, ايەلدەردىڭ ار-نامىسىنا نۇقسان كەلتىرۋى مۇمكىن.
وسىعان بايلانىستى ماسس-مەديا وكىلدەرىنە كاسىبي ەتيكا مەن وبەكتيۆتىلىكتى ساقتاۋ, سونداي-اق قوعامدىق كەلىسىمدى بۇزۋى مۇمكىن ماتەريالداردى تاراتپاۋ مىندەتى جۇكتەلەدى.
باس پروكۋراتۋرا زاڭ تالاپتارىن ەسكە سالىپ, كورىنەۋ جالعان اقپارات تاراتۋعا قاتىستى جاۋاپكەرشىلىكتىڭ كۇشەيتىلگەنىن جەتكىزدى. اتاپ ايتقاندا:
- قىلمىستىق كودەكستىڭ 274-بابى بويىنشا كورىنەۋ جالعان اقپارات تاراتۋ جاۋاپكەرشىلىككە اكەپ سوعادى;
- ۇلتتىق, ءدىني نەمەسە الەۋمەتتىك الاۋىزدىقتى قوزدىرۋعا باعىتتالعان ارەكەتتەر 174-باپقا سايكەس اۋىر قىلمىس رەتىندە قارالادى;
- ءدىني قىزمەت سالاسىنداعى زاڭنامانى بۇزۋ اكىمشىلىك قۇقىق بۇزۋشىلىق تۋرالى كودەكستىڭ 490-بابى بويىنشا جاۋاپكەرشىلىككە تارتىلادى.
باس پروكۋراتۋرا شىمكەنتتە كوز جۇمعان سارباز تۋرالى پىكىر ءبىلدىردى
باس پروكۋراتۋرا ازاماتتاردى جالعان اقپارات تاراتپاۋعا, قوعامدا الاۋىزدىق تۋعىزۋى مۇمكىن مالىمدەمەلەردەن اۋلاق بولۋعا جانە قازاقستان حالقىنىڭ مادەني-رۋحاني قۇندىلىقتارىنا قۇرمەتپەن قاراۋعا شاقىردى.
ۆەدومستۆو اتاپ وتكەندەي, مۇنداي قۇقىق بۇزۋشىلىقتار انىقتالعان جاعدايدا قۇقىق قورعاۋ ورگاندارى زاڭناماعا سايكەس قاتاڭ شارالار قابىلدايدى.
باس پروكۋراتۋرا: كۋرەرلىك قىزمەت اتىنان كەلەتىن جالعان حابارلامالار كوبەيدى
