ءتيىستى قۇجاتتاردى «Qoldau 24/7» ءموبيلدى قوسىمشاسىنا جۇكتەۋ ارقىلى دا جەڭىلدىك ساناتىنا جاتقىزىلعان ازاماتتاردىڭ مارتەبەسىن ساقتاندىرۋعا بولادى. اتالمىش قوسىمشا جانە Call-ورتالىقتارى ارقىلى جىل باسىنان 14 شاعىم تۇسكەن.
ء«بىزدىڭ باستى ماقساتىمىزدىڭ ءبىرى -تۇرعىنداردىڭ ساپالى مەديتسينالىق قىزمەت الۋىنا باقىلاۋ جۇرگىزىپ, ولاردىڭ قۇقىعىن قورعاۋ. حالىق جاڭا جۇيەنى ءالى تولىق مەڭگەرمەگەنى بايقالادى. ماسەلەن, ەمدەلۋشىنىڭ قۇقىعى بۇزىلسا, قايدا حابارلاساتىنىن بىلمەيدى. سوندىقتان, ارنايى قوسىمشالار ىسكە قوسىلدى. وندا كەلىپ تۇسكەن ءوتىنىشتى دەر كەزىندە قاراپ, وڭ شەشىمىن شىعارامىز. ەمدەلۋشىلەرگە سالا ماماندارىنان كەڭەس الۋعا دا مۇمكىندىك قاراستىردىق», - دەدى «الەۋمەتتىك مەديتسينالىق ساقتاندىرۋ قورى» كەاق قىزىلوردا وبلىسى بويىنشا فيليالىنىڭ ديرەكتورى باقىت يسماحانبەتوۆ.
ايتا كەتەيىك, ءمامس جۇيەسى جارنا مولشەرىنە قاراماستان, بارلىق ساقتاندىرىلعان ادامداردىڭ قىزمەتتەر پاكەتىنە تەڭ قولجەتىمدىلىگىنە نەگىزدەلگەن. ياعني, مۇمكىندىگىنە قاراي تولەم جاساعان ءار ازامات قاجەتىنە قاراي, ءمامس شەڭبەرىندە مەديتسينالىق كومەك الۋ ءۇشىن جۇگىنگەن كەزدە ەم الادى, مەديتسينالىق قىزمەتتەردىڭ كولەمى مەن قۇنى شەكتەلمەيدى.
