ايماقتار • 23 اقپان، 2021

اتىراۋدا مەيرامحانادان بيلەپ شىعىپ، كولىك جۇرگىزگەن ماس جىگىت ۇستالدى

131 رەت كورسەتىلدى

اتىراۋدا مەيرامحانادان بيلەپ شىققان ماس جىگىتتىڭ كولىك جۇرگىزگەنى انىقتالدى، دەپ حابارلايدى Egemen.kz.  

وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە، جەدەل باسقارۋ ورتالىعىنىڭ قىزمەتكەرلەرى 19 اقپاندا تۇنگى ساعات 03:20 شاماسىندا ماس جىگىتتىڭ اۋەلى مەيرامحانا الدىندا بيلەپ، كەيىن كولىك رۋلىنە وتىرعانىن بايقاپتى.

«باعىتتاماعا سايكەس 10 مينۋتتا جەتكەن پاترۋلدىك پوليتسەيلەر ازاتتىق داڭعىلىنداعى №124 ءۇيدىڭ تۇسىندا «Toyota Estima» اۆتوكولىگىن توقتاتتى. بۇل كولىك ارمەنيا رەسپۋبليكاسىندا تىركەلگەن. كولىك جۇرگىزۋشىسى – قىزىلقوعا اۋدانىنىڭ 30 جاستاعى تۇرعىنى. ناركولوگيالىق ساراپتامانىڭ قورىتىندىسىمەن جۇرگىزۋشىنىڭ ىشىمدىك ىشكەنى انىقتالدى. ماس كۇيدە رۋلگە وتىرعان جىگىتتىڭ بۇرىن دا وسىنداي قۇقىق بۇزۋشىلىق ءۇشىن  كولىك جۇرگىزۋ قۇقىعىنان ايىرىلعانى بەلگىلى بولدى» دەپ ءمالىم ەتتى دەپارتامەنتتىڭ ءباسپاسوز قىزمەتىنەن.

ماس جۇرگىزۋشىگە قاتىستى قر قىلمىستىق كودەكسىنىڭ 346-بابىمەن (كولىك قۇرالدارىن باسقارۋ قۇقىعىنان ايىرىلعان جانە الكوگولدىك، ەسىرتكىلىك جانە (نەمەسە) ۋىتقۇمارلىق ماساڭ كۇيدەگى ادامنىڭ كولىك قۇرالىن باسقارۋى، سول سياقتى كولىك قۇرالىن باسقارۋدى وسىنداي ادامعا بەرۋ نەمەسە كولىك قۇرالىن وسىنداي ادامنىڭ باسقارۋىنا جول بەرگەنى ءۇشىن) قىلمىستىق ءىس قوزعالدى. اۆتوكولىك ارنايى تۇراققا قويىلدى.

سوڭعى جاڭالىقتار

قازاقستاندا جاڭا كەن ورنى تابىلدى

ەكونوميكا • بۇگىن، 16:21

ەڭ سۇلۋ ۆولەيبولشى كىم؟

سپورت • بۇگىن، 16:15

ەل قورعاعان ەردىڭ ەسىمى جاڭعىردى

رۋحانيات • بۇگىن، 14:49

كورشىنىڭ كوپ-كورىم كومەگى

قوعام • بۇگىن، 14:23

ۇقساس جاڭالىقتار