«اتامەكەن» ۇلتتىق كاسىپكەرلەر پالاتاسىنىڭ الاڭىندا تاپسىرىس بەرۋشىنىڭ (قۇرىلىس سالۋشىنىڭ) قىزمەتىن ۇيىمداستىرۋ جانە فۋنكتسيالارىن جۇزەگە اسىرۋ قاعيدالارىن تالقىلاۋ ماسەلەلەرى بويىنشا كەڭەس ءوتتى. تالقىلاۋ قورىتىندىسى بويىنشا, قۇرىلىسشىلار وداعى وتاندىق تاۋار وندىرۋشىلەرگە ءوتىنىم جىبەرۋ مەرزىمدەرىن ۇسىندى, ونى قاراۋ قورىتىندىسى بويىنشا مەردىگەر تاۋار ساتىپ الۋدىڭ نىسانا ماقساتى تۋرالى شەشىم قابىلداعان ەدى. بۇل ۇسىنىستاردى «اتامەكەن» ۇكپ قۇرىلىس دەپارتامەنتىنىڭ وكىلدەرى, سونداي-اق وداق مۇشەلەرى قولدادى.
الايدا بۇگىنگى تاڭدا وتاندىق تاۋار وندىرۋشىلەر «اتامەكەن» ۇكپ-دان وندىرۋشىلەردىڭ مەردىگەرلەرمەن مىندەتتى تۇردە شارت جاساسۋ مۇمكىندىگىن قاراستىرۋدى سۇرايدى, ياعني تاۋاردىڭ ساپاسىنا, قۇنىنا, قاۋىپسىزدىگىنە قاراماستان, مەردىگەر وتاندىق تاۋار وندىرۋشىلەردەن تاۋار ساتىپ الۋعا شارت جاساسۋى ءتيىس. ماسەلەن, بۇگىنگى تاڭدا مەردىگەرلەردىڭ قازاقستاندىق قامتۋ بويىنشا مىندەتى مەملەكەتتىك ساتىپ الۋ تۋرالى شارت تالاپتارىندا جازىلعان. مۇنىمەن قاتار, وتاندىق ءوندىرىس تاۋارلارى ءاردايىم تالاپ ەتىلەتىن ساپا جانە قاۋىپسىزدىك ستاندارتتارىنا سايكەس كەلە بەرمەيدى, سونداي-اق تاڭداۋ قۇقىعىن شەكتەي وتىرىپ, قۇرىلىس وبەكتىلەرىنىڭ ساپاسىنىڭ ناشارلاۋىنا جانە سول ارقىلى ادامداردىڭ قاۋىپسىزدىگىنە قاتەر تونۋىنە سەپتىگىمىزدى تيگىزەمىز.
ازاماتتىق زاڭنامادا تاپسىرىس بەرۋشىلەردىڭ مەردىگەردىڭ جەدەل-شارۋاشىلىق قىزمەتىنە ارالاسپاۋى تۋرالى تالاپتى بەلگىلەيتىن نورمالار جازىلعان, وسى نورمالار قابىلدانعان جاعدايدا قازاقستان رەسپۋبليكاسىندا كاسىپكەرلىك قىزمەتتى جۇزەگە اسىرۋ ەركىندىگى قاعيداتتارى, كاسىپكەرلىك سۋبەكتىلەرىنىڭ زاڭدىلىعى, تەڭدىگى جانە ادال باسەكەلەستىگى بۇزىلادى. سونىمەن قاتار پرەزيدەنت ق.توقاەۆ قازاقستان حالقىنا جولداۋىندا زاڭدى بيزنەسكە كەدەرگى جاساۋ مەملەكەتتىك قىلمىس بولىپ تابىلاتىنىن اتاپ ءوتتى. وسىعان بايلانىستى وداق بۇل بۇيرىقتى قابىلداۋدى قولايسىز دەپ سانايدى.
