سپورت • 18 اقپان، 2021

قازاقستان ۇستەل تەننيسى فەدەراتسياسى جىلدىڭ قورىتىندى كونفەرەنتسياسىن وتكىزدى

51 رەت كورسەتىلدى

قازاقستاننىڭ ۇستەل تەننيسى فەدەراتسياسى ء(ارى قاراي – قۇتف) ەل ايماقتارىنداعى ماتەريالدىق-تەحنيكالىق بازانى كۇشەيتۋ جۇمىستارىن ودان ءارى جالعاستىرۋعا نيەتتى. بۇل تۋرالى بۇگىن، 17 اقپان كۇنى وتكەن ۇلتتىق فەدەراتسيانىڭ جىلدىق ەسەبىندە قۇتف پرەزيدەنتى دانيار ابۋلگازين مالىمدەدى، دەپ حابارلايدى Egemen.kz

ونلاين-فورماتتا وتكەن ۇيىمنىڭ باستى جيىنىنا ايماقتىق ۇستەل تەننيسى فەدەراتسيالارىنىڭ باسشىلارى تۇگەل قاتىستى. كۇن تارتىبىندەگى ماسەلەلەرگە سايكەس، وتىرىستا فەدەراتسيانىڭ 2020 جىلى اتقارعان جۇمىستارى تۋرالى ەسەپ بەرىلىپ، رەۆيزيالىق كوميسسيا مەن فەدەراتسيانىڭ 2021 جىلعا ارنالعان جوسپارى تىڭدالدى. 

ودان بولەك، ايماقتىق فەدەراتسيالار نۇر-سۇلتان، اقتوبە، شىمكەنت، پاۆلودار، وسكەمەن، الماتى جانە تاراز قالالارىندا سالىناتىن ۇستەل تەننيسى ورتالىعىنىڭ قۇرىلىسى مەن دامۋى تۋرالى ءسوز الدى. جيىنعا قاتىسۋشىلار عالامدىق پاندەمياعا بايلانىستى بىلتىرعى ماۋسىمنىڭ قيىن وتكەنىنە قاراماستان، وتكەن جىل رەسپۋبليكالىق فەدەراتسيانىڭ بەلسەندى جۇمىسىمەن ەستە قالعانىن اتاپ ءوتتى.

اسىرەسە ءاربىر سپورت ءتۇرىنىڭ ىرگەتاسى سانالاتىن ماتەريالدى-تەحنيكالىق بازا مەن بالالار جانە جاسوسپىرىمدەر سپورتى، سونداي-اق، بۇقارالىق سپورتتى دامىتۋعا مۇمكىندىك تۋدى. جىلدىڭ ەڭ باستى وقيعاسى – مەملەكەت باسشىسى قاسىم-جومارت كەمەل ۇلى توقاەۆتىڭ ءوزى اشقان قاراعاندى قالاسىنداعى زاماناۋي ۇستەل تەننيسى ورتالىعى.

اتالعان كەشەن ەڭ ءىرى دەڭگەيدەگى حالىقارالىق جارىستاردى قابىلداي الادى. ايتا كەتەرلىگى اتالعان ورتالىق قىركۇيەك ايىندا جىلدىڭ ەڭ ماڭىزدى شاراسى – حالىقارالىق ۇستەل تەننيسى ITTF اياسىندا وتەتىن حالىقارالىق رەيتينگتىك «Kazakhstan Open» جارىسىن قابىلدايدى.

«بيىل ءبىز ەل ايماقتارىنداعى ماتەريالدى-تەحنيكالىق بازانى نىعايتۋدى ودان ءارى جالعاستىرامىز. ويتكەنى، بولاشاق اتلەتتەردىڭ جەڭىسىنە بۇل تىكەلەي اسەر ەتەدى. جاقىن ارادا قازاقستاننىڭ بىرنەشە قالاسىندا ۇستەل تەننيسى ورتالىقتارىنىڭ قۇرىلىسى اياقتالادى. بۇدان بولەك، ايماقتىق فەدەراتسيالارمەن بىرلەسە وتىرىپ باپكەرلەر قۇرامىنىڭ دايىندىعى مەن بىلىكتىلىگىن ارتتىرۋعا ەرەكشە كوڭىل بولمەكشىمىز. ەپيدەميولوگيالىق جاعداي رەتتەلگەن بويدا قازاقستاندىق باپكەرلەرمەن جۇمىس ىستەۋ ءۇشىن شەتەلدەن جوعارى دەڭگەيلى ماماندار شاقىرىلادى. بۇل باعىتتا ءبىز حالىقارالىق فەدەراتسيامەن (ITTF) تىعىز بايلانىس ۇستاپ وتىرمىز. ايماقتىق جانە ۇلتتىق فەدەراتسيالاردىڭ بىرلەسىپ جۇمتسس ىستەۋى ناتيجەسىندە ءبىز ۇستەل تەننيسىنىڭ رەسپۋبليكالىق جانە حالىقارالىق دەڭگەيدە داميتىنىنا سەنىمدىمىز»، دەدى ۇلتتىق فەدەراتسيا پرەزيدەنتى دانيار ابۋلگازين.

ۇستەل تەننيسى فەدەراتسياسىنىڭ پرەزيدەنتى اتاپ وتكەندەي، سپورتتىق نىسانداردىڭ قۇرىلىسى – ۇيىمنىڭ ەڭ ماڭىزدى مىندەتتەرىنىڭ ءبىرى. كەزدەسۋ بارىسىندا وبلىستىق فەدەراتسيالاردىڭ باسشىلارى ارىپتەستەرىنە جۇمىستىڭ بارىسى تۋرالى ەگجەي-تەگجەيلى ايتىپ بەردى، سونداي-اق ۇستەل تەننيسى جانە بالالار مەن جاسوسپىرىمدەر سپورت ورتالىقتارىن دامىتۋ جوسپارلارىمەن ءبولىسىپ، قالا مەن وبلىستىق اكىمدىكتەر تاراپىنان ۇلكەن قولداۋىن تىلگە تيەك ەتتى.

سونىمەن ەلوردادا ۇستەل تەننيسى ورتالىعىنىڭ جوباسى ماقۇلدانى تۋرالى دەپ نۇر-سۇلتان ۇستەل تەننيسى فەدەراتسياسىنىڭ توراعاسى ابزال ساعىمباەۆ حابارلادى. اۋدانى 9700 شارشى مەتر سپورت عيماراتىنىڭ قۇرىلىسى 27 تەننيس ۇستەلىندە (4 جاتتىعۋ زالىندا) 2021 جىلدىڭ ماۋسىمىندا باستالادى دەپ جوسپارلانعان. ۇستەل تەننيسى ورتالىعى اقتوبە وبلىسىندا دا قولعا الىنعان.

وبلىستىق فەدەراتسيا فيليالىنىڭ جەتەكشىسى رۋسلان حامباروۆ سپورتتىق عيماراتتىڭ جالپى اۋماعى 3800 شارشى مەتر بولاتىنىن، وندا 20 تەننيس ۇستەلى بولاتىندىعىن اتاپ ءوتتى. اعىمداعى جىلدىڭ قىركۇيەگىندە ورتالىق ءوز ەسىگىن اشادى دەپ كۇتىلۋدە. سونىمەن قاتار، بۇقارالىق سپورتتى دامىتۋ ماقساتىندا وبلىستىق فەدەراتسيا 100-گە جۋىق تەننيس ۇستەلدەرىن، 5000 راكەتكالار مەن 12000 دوپ ساتىپ الماقشى.

ولار ءارى قاراي اۋدان ورتالىقتارى مەن اۋىلدىق وكرۋگتەرگە تاراتىلادى. ءۇشىنشى كەزەڭدە پاۆلودار وبلىسىنددا جالپى الاڭى 2600 شارشى مەتردى قۇرايتىن ۇستەل تەننيسى ورتالىعىن اشۋ جوسپارلانۋدا. قۇرىلىس-مونتاجداۋ جۇمىستارى باستالعانى تۋرالى وبلىستىق فەدەراتسيانىڭ توراعاسى دوستيارقۇل احانوۆ مالىمدەدى. شىمكەنت فەدەراتسياسىنىڭ پرەزيدەنتى اسقار تۇرىسبەكوۆ اكىمدىك ارنايى جەر تەلىمىن انىقتاعانىن ايتتى. قازىرگى ۋاقىتتا ورتالىقتىڭ ديزاينى بويىنشا جۇمىستار باستالدى. سپورتتىق نىساننىڭ قۇرىلىسى وسى جىلدىڭ ەكىنشى جارتىسىندا باستالادى دەپ جوسپارلانۋدا.

سونىمەن قاتار سپورتتى دامىتۋ تۇرعىسىنان قالالىق فەدەراتسيانىڭ جەمىستى جۇمىسىنىڭ ناتيجەلەرى تۋرالى ايتىلدى. شىمكەنتتەگى سپورتشىلار ءۇشىن 2 ۇستەل تەننيسى زالى اشىلدى، 10 تەننيس ستولى، 100 الاڭ جانە راكەتكالارعا ارنالعان 30 بازا، 2200 دوپ، 30 سپورتتىق جابدىقتار جيىنتىعى ساتىپ الىندى. شىعىس قازاقستان وبلىسىندا دا جوبالاۋ جۇمىستارى جۇرگىزىلۋدە.

وبلىستىق اكىمدىك سايكەسىنشە قۇرىلىس ءۇشىن جەر ۋچاسكەسىن انىقتادى. شقو ۇستەل تەننيسى فەدەراتسياسىنىڭ پرەزيدەنتى الەكساندر تايبازاروۆ ءوز سوزىندە ولاردىڭ ۇستەل تەننيسى ورتالىعى ۇستەل تەننيسى ورتالىعىنا ارنالعان 50 ورىندىقتان تۇراتىن جالپى الاڭى 9 100 شارشى مەتر بولاتىنىن اتاپ ءوتتى. 

الماتىدا ۇستەل تەننيس ورتالىعى «الماتى ارەنا» مۇز سارايىنىڭ جانىنداعى سپورتتىق كلاستەردە پايدا بولادى. الماتى فەدەراتسياسىنىڭ پرەزيدەنتى بولىپ تابىلاتىن ايمان ۋسپانوۆانىڭ ايتۋىنشا، نەگىزگى زالدا 12 تەننيس ۇستەلىن ورنالاستىرۋ جوسپارلانىپ وتىر. جاتتىعۋ كەزىندە 27 ۇستەلگە دەيىن كەڭەيتۋ مۇمكىندىگى بار.

ورتالىقتا قوسىمشا جاتتىعۋ زالى، وندا 7 ۇستەل تەننيسى ۇستەلدەرى بولادى. نىساننىڭ جالپى اۋدانى 5200 شارشى مەتردى قۇرايدى. سونىمەن قاتار، سپورتشىلارعا وقۋ-جاتتىعۋ جيىندارىن وتكىزۋ ءۇشىن 78 ادامعا ارنالعان قوناق ءۇي بەرىلەدى. اۋماعى 3200 شارشى مەتر سپورتتىق نىساندى سالۋ ءۇشىن جامبىل وبلىسىندا جەرگىلىكتى اتقارۋشى ورگان دا جەر تەلىمىن ءبولىپ قويعان. ورتالىق ۇستەل تەننيسى مەن كوركەم گيمناستيكاعا ارنالادى. ايماقتىق فەدەراتسيانىڭ باسشىسى سىرىم ماديەۆ ايتقانداي، ۇستەل تەننيسى زالىندا 12 تەننيس ۇستەلى ورنالاستىرىلادى. سپورت نىسانى قۇرىلىسىنىڭ اياقتالۋى شىلدە ايىنىڭ سوڭىنا جوسپارلانعان.

قورىتىندىلاي كەلە، فەدەراتسيا پرەزيدەنتى دانيار ابۋلعازين فەدەراتسيانىڭ 2021 جىلعا ارنالعان جۇمىسىنىڭ نەگىزگى باسىمدىقتارى ۇستەل تەننيسى ءۇشىن ساپالى جاعدايلارمەن قامتاماسىز ەتۋ، جاستار مەن بۇقارالىق سپورتتى دامىتۋ جانە جاتتىقتىرۋشىلاردىڭ پوتەنتسيالىن كۇشەيتۋ بولىپ قالا بەرەتىندىگىن اتاپ ءوتتى.

سوڭعى جاڭالىقتار

ۇقساس جاڭالىقتار