الدىن الا مالىمەتتەر بويىنشا IQ-353 بورتى 6:30-دا نۇر-سۇلتاننان ۇشىپ, الماتىعا تەك 8:12-دە قونعان.
وسى ورايدا ۇشاق بورتىندا بولعان جولاۋشىلاردىڭ ءبىرى ءمان-جايدى ايتىپ بەردى.
ء«بىز وتىردىق. ۇشاق الماتىعا كەلىپ, جولاقپەن قوزعالىپ بارا جاتقاندا جىلدامدىقتى ادەتتەگىدەي تومەندەتە باستادى. بىراق ءبىر ساتتە ول قايتا جىلدامدىق الدى, سودان كەيىن قاتتى جارىلىس بولدى. وڭ جاعىنداعى دوڭگەلەك جارىلدى. ۇشاق تەمىرمەن ءجۇردى. ءبىز قازىر تىرەگىش سىنىپ, ءبارىمىز وسىندا ولەمىز دەپ ويلادىق», دەيدى جولاۋشى.
ونىڭ ايتۋىنشا, بالالار مەن ايەلدەر جىلاي باستاعان. ۇشاق توقتاعاننان كەيىن ولار ۇشاقتا 30 مينۋت وتىرعان. بىراق ىلە-شالا ارتىنان ءتۇتىن شىققان.
سونداي-اق ول وقيعا ورنىنا دەرەۋ ءورت ءسوندىرۋ كولىگى كەلگەنىن جانە بارلىق جولاۋشىنى اۆتوبۋسقا وتىرعىزىپ الىپ كەتكەنىن ايتتى. قازا بولعاندار مەن زارداپ شەككەندەر جوق.
ءدال وسىعان ۇقساس جاعداي Qazaq Air كومپانياسىنىڭ ۇشاعىمەن دە بولعان. ۇشاق 12 اقپاندا نۇر-سۇلتاننان شىمكەنتكە ۇشۋى ءتيىس ەدى. الايدا اۋە كەمەسى ۇشا باستاعاندا ءشاسسيى جارىلعان.
«Qazaq Air كومپانياسىنىڭ ۇشاعىمەن دە سولاي بولدى. ول ۇشا باستاعاندا دوڭگەلەگى جارىلعان. بۇل تۋرالى سول كۇنى شىمكەنتكە ۇشا الماي قالعاندار ايتتى. بورت بۇرىلىپ, شۇعىل قونعان. قالاي قونعانىن بىلمەيمىن. جولاۋشىلاردىڭ بارلىعى شوشىپ ءجۇردى. ولارعا تاماق پەن سۋ دا, تۇراتىن ءۇي دە بەرىلمەدى. ايقاي-شۋ بولدى, بىرەۋدىڭ قىسىمى كوتەرىلىپ, جەدەل جاردەم كەلدى. ءتۇنى بويى اۋەجايدا وتىرعان», دەيدى ەر ادام.
بۇگىن, 13 اقپاندا Qazaq Air ۇشاقتارىنىڭ ءشاسسيى جارىلعانى تۋرالى ەكى وقيعا حابارلانعان. وسىعان بايلانىستى قر يدم اۆياتسيالىق وقيعالار مەن ينتسيدەنتتەردى تەكسەرۋ باسقارماسى تەكسەرۋ جۇرگىزەتىن بولدى.
Qazaq Air اۋە كومپانياسىنىڭ ۇشاقتارىمەن بولعان ەكى وقيعا بويىنشا اقپارات راستالدى. ءبىرىنشىسى 12 اقپاندا, ەكىنشىسى 13 اقپاندا بولعان.
«12 اقپاندا نۇر-سۇلتان ۋاقىتىمەن ساعات 23:20-دا Qazaq Air اۋەكومپانياسىنىڭ نۇر-سۇلتان-شىمكەنت باعىتىنداعى QAZ427 رەيس ۇشاعىمەن اۆياتسيالىق وقيعا بولدى. الدىڭعى شاسسي قاقپاعىنىڭ جارىلۋىنا بايلانىستى اۋە كەمەسى 700 مەتر ءجۇرىپ, ءارى قاراي ۇشىپ كەتپەدى. ۇشاق تۇراققا سۇيرەپ اپارىلدى. 13 اقپاندا ساعات 08:12-دە نۇر-سۇلتان-الماتى باعىتىنداعى QAZ353 تۇراقتى رەيسىن ورىنداعان Qazaq Air اۋەكومپانياسىنىڭ باسقا اۋە كەمەسىنىڭ قونۋىنان كەيىن ءشاسسيدىڭ وڭ تىرەۋىنىڭ ەكى پنەۆماتيكاسىنىڭ بۇزىلۋى انىقتالدى. ۇشاقتاعى بارلىق جولاۋشىلار ەۆاكۋاتسيالاندى, زارداپ شەككەندەر جوق», دەلىنگەن ااك حابارلاماسىندا.
