رۋحانيات • 11 اقپان، 2021

بالالىق شاقتىڭ بالعىن بەينەسى

21 رەت كورسەتىلدى

كەنەپكە تۇسكەن ءاربىر بوياۋ سۋرەتشى قيالىنان تۋعان شىعارما. فرانتسۋز جازۋشىسى انتۋان دە سەنت-ەكزيۋپەري ء«بىزدىڭ شىققان تەگىمىز بالالىق شاق» دەگەنىندەي، كەيبىر كوركەم تۋىندى بالداۋرەن ءساتتىڭ كوركەم ەستەلىگىندەي كوڭىلگە ىستىق كەلەدى. سول الاڭسىز شاقتار – ەڭ اياۋلى كۇندەردىڭ كىتاپحاناسىنداي. ءبىز زاماناۋي سۋرەتشى مەيىرجان نۇرعوجيننىڭ «ۇشاق، ۇشاق..» اتتى تۋىندىسىنان سونى اڭعاردىق.

 

اتالعان كارتينا ۇلتتىق مۋزەيدە ورنالاسقان. ادام­نىڭ ىشكى سانا-سەزىمىن وزىنە ەلىتىپ اكەتەتىن تاڭ­عاجايىپ تۋىندى اسىرەسە اعا بۋىننىڭ ەرەكشە ىقى­لاسىنا يە. وتكەن كۇن­نىڭ جاڭعىرىعىنداي كو­ڭىلگە ىس­تىق، جۇرەككە جا­قىن كورىنەدى.

مەيىرجان نۇرعوجين ونەر­­­دەگى كلاسسيكالىق رەاليزم مەكتەبىنىڭ جولىن قۋ­شى سۋرەتشىلەردىڭ قاتا­رىنا جاتادى. ونىڭ شىعارما­شى­لىعىنان تاريحقا دەگەن قىزىعۋشىلىق انىق بايقا­لادى. سولاي بولا تۇرا سا­عات سايىن وزگەرىپ جاتقان قا­زىرگى زامان بەلگىلەرىنەن دە، ەۋروپالاق كەسكىندەمە جە­­­تىستىكتەرىنەن دە اينالىپ وتپەيدى. ءوزىنىڭ ءبىلىمىن قىل­قالام ۇشىنا تو­گەدى. ادام­­­نىڭ كۇندەلىكتى تىر­شى­لى­گىن بەينەلەۋگە دەگەن ۇم­تى­لى­سى ەرەكشە.

سۋرەتشىنىڭ بالالىق شاق­قا ارناعان كارتينالارى مەن سىزبالارى از ەمەس. ولاردىڭ كو­بى بالالارعا ارنالعان. كۇ­شىك­تەر مەن لاقتار، الما مەن ويىنشىقتار سىندى قىمبات اتريبۋتتارعا تولى ءارتۇرلى كار­­­تينالار وزگەشە بەدەرلەن­گەن. ءاربىر تۋىندىسىندا كىش­كەنتاي بالدىرعاندارعا دەگەن مەيىرىمى مەن ماحابباتى كوزگە وتتاي باسىلادى.

جالپى، «ۇشاق، ۇشاق..» كارتيناسىنىڭ سيۋجەتى وتە قا­راپايىم. ەكى بالا دالانىڭ ورتاسىندا كۇننىڭ ساۋلەسىنەن سىعىرايىپ اسپانعا قىزىعا قاراپ تۇر. ءومىردىڭ ءارتۇرلى قىزىقتى وقيعالارى كۇندە بولا بەرمەيتىن اۋىل بالالارى ءۇشىن بۇل ناعىز كەرەمەت دۇنيە. شەكسىز اسپاندا كىشكەنە نۇكتە بولىپ ۇشىپ بارا جاتقان كۇمىس ۇشاق. بارلىق پەيزاجعا، كارتيناعا كۇن نۇرى توگىلىپ تۇر. سو­نىمەن بىرگە بوياۋلاردىڭ جار­قىن سپەكترىنىڭ الۋان ءتۇر­لى رەڭكتەرى بار. جارىق، كۇن، ءبىر ساتتىك اسەر، كوڭىل كۇي، عا­جاپ نارسەنى كۇتۋ – مىنە، وسى­لاردىڭ بارلىعى تۋىن­دىعا ءار بەرىپ تۇرعانداي.

اۆتور بالا شىنايى­لى­عىنىڭ ۇشقىنى مەن تابي­عيلىعىن، الەمدى تانۋعا دەگەن قىزىعۋشىلىعىن ەركىن سەزىنىپ، مولدىرەتىپ جەتكىزگەن. ات ۇستىندە اسپانعا قول سوزعان بالا ارمان كارتينانىڭ جۇم­باعىن شەشىپ تۇرعانداي.

بۇل كارتينا – شەبەر شى­عارماشىلىعىنىڭ پوەتي­كا­لىق جانە ستيليستىك ەرە­ك­شە­لىك­تەرىنىڭ ءبارىن سىيدىرىپ تۇر­عان ناعىز جاۋھار تۋىندى.

سوڭعى جاڭالىقتار

تۇركىستانعا 3000 جىل

رۋحانيات • بۇگىن، 12:10

2002 ادام كوروناۆيرۋستان ەمدەلىپ شىقتى

كوروناۆيرۋس • بۇگىن، 09:32

سارىالا قازدىڭ قاڭقىلى ەستىلدى

رۋحانيات • بۇگىن، 08:51

قور نارىعى قىمباتتادى

الەم • بۇگىن، 08:33

بابا اماناتىنا ادالدىق

رۋحانيات • بۇگىن، 08:07

بالۋاننىڭ العاشقى التىنى

كۇرەس • بۇگىن، 08:02

پسج ەسە قايتاردى

فۋتبول • بۇگىن، 07:59

جارىستى جەڭىسپەن باستادى

بوكس • بۇگىن، 07:56

جاقاەۆتىڭ تاقياسى

رۋحانيات • بۇگىن، 07:47

شىلىكتى اۋىلىن سۋ باستى

ايماقتار • بۇگىن، 07:44

Ever Given مىسىردا قالدى

الەم • بۇگىن، 07:28

جەر تۋرالى زاڭ سەناتقا جولداندى

پارلامەنت • بۇگىن، 07:22

ۇقساس جاڭالىقتار