ءىس-شاراعا سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى اليك شپەكباەۆ, مادەنيەت جانە سپورت ءمينيسترى اقتوتى رايىمقۇلوۆا, پروفەسسور, فيلولوگيا عىلىمدارىنىڭ دوكتورى شاكىر ىبىراەۆ, مەملەكەت جانە قوعام قايراتكەرى, جازۋشى, سەناتورلار كەڭەسىنىڭ مۇشەسى جابال ەرعاليەۆ, اقىن, قازاقستاننىڭ ەڭبەك سىڭىرگەن قايراتكەرى اقۇشتاپ باقتىگەرەەۆا, قازاقستاننىڭ ەڭبەك سىڭىرگەن قايراتكەرلەرى بايانعالي ءالىمجانوۆ, كوپەن امىربەك, ەرىك جولجاقسىنوۆ, قازاقستان جازۋشىلار وداعىنىڭ توراعاسى ۇلىقبەك ەسداۋلەت, قازاقستان مۇسىلماندارى ءدىني باسقارماسىنىڭ باس ءمۇفتيى ناۋرىزباي قاجى تاعان ۇلى, قازاقستان جازۋشىلار وداعىنىڭ استانالىق فيليالىنىڭ ديرەكتورى داۋلەتكەرەي قاپ ۇلى جانە ت.ب. قاتىستى.
«پاراسات جولى» – ادالدىق, پاراساتتىلىق, ادىلەتتىلىك قاعيداتتارىن قالىپتاستىرۋعا, سونداي-اق ۇلتتىق مادەنيەت پەن رۋحانيات قۇندىلىقتارىن قوعامدا ىلگەرىلەتۋگە باعىتتالعان تاعى ءبىر جوبا.
وتكەن جىلدىڭ تامىز ايىندا انتيكور ۇلتتىق اكادەميالىق كىتاپحانا بازاسىندا عىلىمي جانە شىعارماشىلىق زيالى قاۋىم وكىلدەرىمەن, كورنەكتى مەملەكەتتىك جانە قوعام قايراتكەرلەرىمەن تىكەلەي ەفيرلەر اشتى, وندا ولار ادالدىق, ادىلەتتىلىك جانە پاراساتتىلىق قاعيداتتارىن ىلگەرىلەتۋدىڭ ماڭىزدىلىعى تۋرالى ايتتى. حالىق اراسىندا كەڭىنەن تارالعان مۇنداي كەزدەسۋلەر سىبايلاس جەمقورلىققا قارسى ازاماتتىق باستامالاردىڭ وزىندىك «فابريكاسى», جاستاردىڭ بەلگىلى اقىندارمەن, جازۋشىلارمەن, عالىمدارمەن, مەملەكەت جانە قوعام قايراتكەرلەرىمەن كەزدەسۋ ورنىنا اينالدى.
پاراساتتىلىق يدەولوگياسىن ناسيحاتتاۋ مەن ىلگەرىلەتۋدىڭ ماڭىزدىلىعىن ەسكەرە وتىرىپ, كىتاپحانالار بازاسىندا «پاراسات جولى» فيليالدارىن جاپپاي اشىپ, ەلوردالىق تاجىريبەنى ەلىمىزدىڭ بارلىق وڭىرلەرىنە تاراتۋ تۋرالى شەشىم قابىلداندى.
كەزدەسۋگە قاتىسقان عىلىمي جانە شىعارماشىلىق زيالى قاۋىم وكىلدەرى بۇگىندە اشىق ورتالىقتار ەل يگىلىگى ءۇشىن يگى يدەيالار مەن باستامالاردىڭ تارتىلىس نۇكتەلەرىنە اينالاتىنىنا زور ءۇمىت ءبىلدىردى.
ءىس-شارا بارىسىندا اليك شپەكباەۆ پەن اقتوتى رايىمقۇلوۆا ەكى ۆەدومستۆو اراسىنداعى ءوزارا ىنتىماقتاستىق تۋرالى مەموراندۋمعا قول قويدى. تاراپتار ازاماتتىق قوعامداعى سىبايلاس جەمقورلىقتىڭ الدىن الۋ, سىبايلاس جەمقورلىققا قارسى مادەنيەتتى قالىپتاستىرۋ, ەل ازاماتتارى اراسىندا پاراساتتىلىق پەن ادالدىق قاعيداتتارىن نىعايتۋ بويىنشا جەدەل ءوزارا ءىس-قيمىل جاساۋ ءۇشىن ءوز الەۋەتىن بىرىكتىرۋگە نيەتتى.
بۇل جۇمىسقا اقپاراتتىق-ءتۇسىندىرۋ, الەۋمەتتىك-تاربيەلىك جانە ۆولونتەرلىك جوبالارعا قاتىساتىن كىتاپحانا قىزمەتكەرلەرى, عالىمدار, جازۋشىلار, اقىندار, تەولوگتار, ءدىن وكىلدەرى مەن تانىمال تۇلعالار تارتىلاتىن بولادى.
ءوزارا تۇسىنىستىك, قۇرمەت پەن سەنىم – «پاراسات جولى» جوباسىنىڭ ءۇش تىرەگى.
