جوعارعى سىنىپ وقۋشىلارى ديلناز جەمىسبەك پەن ۆيكتور كوحنو جانە ارۋجان مامىروۆا مەن امينا قايراتقىزى قۇراستىرعان روبوتتار جاقىندا وتكەن حالىقارالىق بايقاۋعا قاتىسىپ, باس جۇلدە الدى. «Kazakhstan International Robotics Competition» اتتى بايقاۋدى الماتى قالالىق ءبىلىم باسقارماسى مەن ش.ءۋاليحانوۆ اتىنداعى جەكەمەنشىك مەكتەبى ۇيىمداستىرعان ەكەن. جاسوسپىرىمدەر اراسىنداعى جاساندى ينتەلەككە قىزىعۋشىلىق پەن تىڭ يدەيا يەلەرىن انىقتاۋعا ارنالعان جوباعا رەسەي, جاپونيا, تۇركيا, وزبەكستان, تاجىكستان جانە قازاقستان كوماندالارى قاتىسقان بولاتىن. ونلاين وتكەن جارىستا ءار ەلدىڭ وزىق مەكتەپتەرىنەن ءتۇرلى جوبالار ۇسىنىلىپتى. حالىقارالىق دارەجەدەگى ماماندارعا تالدىقورعاندىق بالالاردىڭ قيالى مەن اقىل-ويىنان تۋعان قۇرىلعى ۇناپ, گران –پريگە لايىق دەپ تانىلعان-دى. ولاردىڭ ۇسىنعان جوباسى» قوقىستى سۇرىپتاۋ روبوتى» دەپ اتالادى ەكەن. ەكى روباتتىڭ مىندەتىنە قوقىستى تەرىپ قانا قويماي, ولاردى سۇرىپتاپ, ءبولىپ جيناۋ كىرەدى ەكەن. قاراپايىم زاتتاردان قۇرالعان روبوتتار باعدارلاماعا جۇكتەلگەن تاپسىرمانى مۇلتىكسىز ورىنداپتى.
- جەر شارى تۇرعىندارى جىل سايىن 2 ميلليارد توننادان استام قوقىس شىعارادى ەكەن. ونىڭ ىشىندە تۇرمىستىق قاتتى قالدىق كوپ. بىراق ونى وڭدەۋ جاعى ءالى دۇرىس جولعا قويىلماي كەلەدى. ءبىز مەكتەپتە «نەگە بارلىق قوقىستار قايتا وڭدەلمەيدى؟» دەگەن سۇراققا جاۋاپ ىزدەيمىز. ياعني, كوپتەگەن ەلدەردە قوقىستارعا سۇرىپتاۋ جاسالمايدى ەكەن. سونىڭ كەسىرىنەن قورشاعان ورتا لاستانىپ, ەكولوگيا بۇزىلۋدا. بۇل ماسەلە قازاقستاندا دا كۇردەلى. سوندىقتان, ءبىز قوقىس سۇرىپتاۋ ىسىنە جاساندى ينتەلەكتىنى قوسىپ, قورشاعان ورتاعا زيانسىز جۇمىس پروتسەسىن جاساعىمىز كەلەدى. العاشقى روبوتتارىمىزدىڭ كوڭىلدەن شىققانىنا قۋانىشتىمىز, - دەيدى نازارباەۆ زياتكەرلىك مەكتەبىنىڭ 8-سىنىپ وقۋشىسى ارۋجان مامىروۆا.
وقۋشىلار جاساعان روبوت جول بويىمەن وزدىگىنەن قوزعالىپ ءارى اينالاداعى قوقىستىڭ بارلىعىن تەرىپ, جيناۋعا قابىلەتتى دەيدى. ولار جانە قوقىستى قۇرامى بويىنشا اجىراتىپ, العاشقى سۇرىپتاۋدى جاسايدى. روبوتتىڭ باعدارلاماسى نەيروندىق جەلىلەرگە نەگىزدەلىپتى. ورناتىلعان ءار بولشەكتى 3D پرينتەرى ارقىلى وقۋشىلاردىڭ وزدەرى باسىپ شىعارعان ەكەن.
الماتى وبلىسى
