قارجى • 27 قاڭتار، 2021

1 350 يپوتەكالىق قارىز الۋشىعا قوسىمشا كومەك كورسەتىلدى

14 رەت كورسەتىلدى

2020 جىلدىڭ باسىنان باستاپ قازاقستان رەسپۋبليكاسىنىڭ قارجى نارىعىن رەتتەۋ جانە دامىتۋ اگەنتتىگى يپوتەكالىق تۇرعىن ءۇي قارىزدارىن/يپوتەكالىق قارىزداردى قايتا قارجىلاندىرۋ باعدارلاماسىن حالىقتىڭ الەۋمەتتىك وسال توپتارى (بۇدان ءارى – ءحاوت) ساناتىنا جاتاتىن يپوتەكالىق قارىز الۋشىلارعا قوسىمشا كومەك كورسەتۋ بولىگىندە ىسكە اسىرۋدا.

ەكىنشى دەڭگەيدەگى بانكتەرگە ءحاوت-قا جاتاتىن قارىز الۋشىنىڭ قارجىلىق جانە الەۋمەتتىك جاعدايىن تالداۋ نەگىزىندە نەگىزگى بورىشتى ازايتۋ، 20 000 تەڭگەدەن باستاپ اي سايىنعى تولەممەن جەڭىلدىك كەستەلەرىن بەلگىلەۋ جانە قارىز الۋشىنىڭ كىرىسىن كۇنكورىس دەڭگەيىنەن تومەن ەمەس ساقتاۋ تۇرىندە بورىش جۇكتەمەسىن جەڭىلدەتۋدىڭ قوسىمشا تەتىكتەرىن جەكە تارتىپپەن قولدانۋ قۇقىعى بەرىلدى.

قارىز الۋشىنىڭ قارجىلىق جاعدايىن تالداۋدى جۇرگىزگەن جانە قارىز الۋشىنىڭ تولەم جاساۋ قابىلەتتىلىگىن ايقىنداعان كەزدە بانكتەر ءۇشىنشى تۇلعالاردىڭ، ونىڭ ىشىندە قوسا قارىز الۋشىنىڭ، كەپىلگەردىڭ قارىز شارتى، كەپىل شارتى بويىنشا كىرىستەرىن ەسەپكە المايدى، سونداي-اق مەملەكەتتىك بيۋدجەتتەن جانە (نەمەسە) مەملەكەتتىك الەۋمەتتىك ساقتاندىرۋ قورىنان تولەنەتىن جاردەماقىلار جانە الەۋمەتتىك تولەمدەر كىرىس رەتىندە تانىلمايدى.

بانكتىڭ بالانسىندا ەسەپتە تۇرعان جالعىز باسپاناسىن قارىز الۋشىنىڭ مەنشىگىنە قايتارۋ ماقساتىندا قارجى ينستيتۋتتارىنا قارىز الۋشىنىڭ جىلدىق 3% سىياقى مولشەرلەمەسى بويىنشا قارجىلاندىرۋدى جۇزەگە اسىرۋ نە وعان كەيىننەن ساتىپ الۋ مۇمكىندىگىمەن تۇرعىن ءۇيدى جالعا بەرۋ قۇقىعى ۇسىنىلادى.

2021 جىلعى 1 قاڭتارداعى جاعداي بويىنشا ءحاوت ساناتىنا جاتاتىن جانە جالعىز باسپاناسى بانكتىڭ بالانسىندا تۇرعان 1 350 قارىز الۋشىعا 11،9 ملرد تەڭگە سوماعا قوسىمشا كومەك كورسەتىلدى.

بانكتەردىڭ شىعىستارىن وتەۋ ءۇشىن قازاقستان رەسپۋبليكاسىنىڭ ۇلتتىق بانكى 44،6 ملرد تەڭگە ءبولدى.

يپوتەكالىق قارىز الۋشىلارعا قوسىمشا كومەك كورسەتۋ مەرزىمى 2021 جىلعى 1 شىلدەگە دەيىن دەپ بەلگىلەندى. شامامەن 8 مىڭ قارىز الۋشىعا قولداۋ كورسەتىلەدى دەپ جوسپارلانۋدا.

باعدارلامامەن يپوتەكالىق قارىز الۋشىلاردىڭ كوبىرەك قامتىلۋىن ۇلعايتۋ جانە الەۋمەتتىك تۇرعىدان وسال ازاماتتارعا قوسىمشا كومەك كورسەتۋ ءۇشىن 2020 جىلعى قىركۇيەكتە ۇلتتىق بانك باسقارماسى باعدارلاماعا:

- جۇمىس جاساۋ قابىلەتىنەن جانە يپوتەكالىق كرەديتتى وتەۋگە كىرىستەرىنەن ايىراتىن الەۋمەتتىك ماڭىزى بار اۋرۋلاردىڭ اۋىر تۇرلەرىمەن (اۋرۋدىڭ 5 ءتۇرى ەنگىزىلدى) اۋىراتىن ازاماتتاردىڭ قارىزدارىن قايتا قارجىلاندىرۋ;

- باعدارلامانىڭ ءحاوت ءۇشىن كوزدەلگەن جەڭىلدەتىلگەن تالاپتارىن قارىز الۋشىنىڭ جاقىن تۋىستارى بولىپ تابىلاتىن قوسا قارىز الۋشىدا، كەپىل بەرۋشىدە، كەپىلگەردە ءحاوت مارتەبەسى بار قارىزدارعا دا قولدانۋ;

- باعدارلاماعا تاراتىلاتىن «استانا بانكى» اق-تا جانە «Qazaq Banki» اق-تا ۆاليۋتالىق يپوتەكالىق قارىزدارى بار قارىز الۋشىلاردى، سونداي-اق جالعىز باسپاناسى «استانا بانكى» اق مەن «بتا بانك» اق-تىڭ بالانسىندا تۇرعان ازاماتتاردى ەنگىزۋ جانە ت.ب. مۇمكىندىگىن كوزدەيتىن تۇزەتۋلەردى بەكىتتى.

الدىن الا باعالاۋ بويىنشا تۇزەتۋلەر قوسىمشا شامامەن 5 مىڭ قارىز الۋشىنى قامتۋعا مۇمكىندىك بەرەدى.

باعدارلاما ولشەمشارتتارىنا سايكەس كەلەتىن قارىز الۋشىلار بورىش جۇكتەمەسىن ازايتۋ ءۇشىن كرەديتور بانكتەرگە جۇگىنۋى قاجەت.

«اگەنتتىكتىڭ قوعامدىق بىرلەستىكتەر وكىلدەرىمەن بىرلەسىپ باعدارلامانىڭ ىسكە اسىرىلۋىنا جۇرگىزگەن تالداۋىنىڭ ناتيجەلەرى بويىنشا باعدارلامادا ءحاوت-قا جاتاتىن قارىز الۋشىلاردىڭ يپوتەكالىق قارىزدارى بويىنشا بورىش جۇكتەمەسىن ازايتۋ ءۇشىن ولاردى قوسىمشا قامتۋ قاجەتتىلىگى انىقتالدى. سوندىقتان قازىرگى ۋاقىتتا باعدارلاماعا تۇزەتۋلەر ەنگىزۋ ماسەلەسى قارالۋدا»، - دەدى قارجىلىق قىزمەتتەردى تۇتىنۋشىلاردىڭ قۇقىقتارىن قورعاۋ دەپارتامەنتىنىڭ ديرەكتورى الەكساندر تەرەنتەۆ.

2020 جىلعى جەلتوقساندا اگەنتتىك جەكە تۇلعالاردىڭ 2016 جىلعى 1 قاڭتارعا دەيىن بەرىلگەن ۆاليۋتالىق يپوتەكالىق قارىزدارىن ۇلتتىق بانكتىڭ 2015 جىلعى 18 تامىزداعى باعامى بويىنشا ء(بىر اقش دوللارى ءۇشىن 188،35 تەڭگە) تەڭگەمەن قايتا قارجىلاندىرۋدى كوزدەيتىن يپوتەكالىق تۇرعىن ءۇي قارىزدارىن/يپوتەكالىق قارىزداردى قايتا قارجىلاندىرۋ باعدارلاماسىنىڭ ءبىر باعىتىن اياقتادى. اگەنتتىكتىڭ بانكتەرمەن بىرلەسىپ اتقارعان جۇمىسىنىڭ ناتيجەلەرى بويىنشا ۆاليۋتالىق يپوتەكالىق قارىزدارى بار قارىز الۋشىلاردىڭ پروبلەمالارى تولىعىمەن شەشىلدى. باعدارلامانىڭ تالاپتارىنا سايكەس كەلەتىن حالىقتىڭ ۆاليۋتالىق يپوتەكالىق قارىزدارىنىڭ 100%-ى جەڭىلدىكتى باعام بويىنشا تەڭگەگە ايىرباستالدى جانە ازاماتتار بولاشاقتا ۆاليۋتالىق تاۋەكەلدەردەن قورعالدى.

باعام ايىرماسىن وتەۋ ءۇشىن بانكتەرگە 114،4 ملرد تەڭگە ءبولىندى. حالىقتىڭ الەۋمەتتىك وسال توپتارىنا ء(حاوت) جاتاتىن قارىز الۋشى ءۇشىن قايتا قارجىلاندىرىلاتىن قارىز بويىنشا سىياقى مولشەرلەمەسى جىلدىق 3% مولشەرىندە، وزگە قارىز الۋشىلار ءۇشىن – 12% (ەگەر قولدانىستاعى قارىز بويىنشا مولشەرلەمە تومەندە كورسەتىلگەن ماندەردەن از بولسا، مولشەرلەمە ۇلعايتىلماۋعا ءتيىس بولىپ بەلگىلەندى.

سونىمەن قاتار اگەنتتىك باعدارلامانى 2004 − 2009 جىلدار ارالىعىنداعى كەزەڭدە بەرىلگەن جانە جالعىز باسپانامەن قامتاماسىز ەتىلگەن يپوتەكالىق قارىزداردى قايتا قارجىلاندىرۋدى كوزدەيتىن بولىگىندە ىسكە اسىرۋدى جالعاستىرۋدا، 168،2 ملرد تەڭگە سوماعا  27،7 مىڭ قارىز قايتا قارجىلاندىرىلدى (2021 جىلعى 1 قاڭتارداعى دەرەكتەر). باعدارلامانىڭ وسى بولىگىن ىسكە اسىرۋعا قازاقستان ۇلتتىق بانكى 130 ملرد تەڭگە ءبولدى.  قايتا قارجىلاندىرىلاتىن قارىز بويىنشا سىياقى مولشەرلەمەسى قارىز الۋشى ءۇشىن جىلدىق 3%-دان اسپايتىن مولشەردە بەلگىلەنەدى.

ىسكە اسىرۋ كەزەڭىندە بانكتەر 222،6 ملرد تەڭگە سوماعا 27 202 ۆاليۋتالىق يپوتەكالىق قارىزدى، ونىڭ ىشىندە باعدارلامانىڭ ءبىرىنشى بولىگى بويىنشا 90،5 ملرد تەڭگە سوماعا 13 418 قارىزدى، ەكىنشى بولىگى بويىنشا  - 132،1 ملرد تەڭگە سوماعا 13 784 قارىزدى ايىرباستادى.

بانكتەر قارىز الۋشىلاردىڭ سىياقى، تۇراقسىزدىق ايىبى ء(وسىمپۇل، ايىپپۇل) جانە كوميسسيالار بويىنشا 262 ملرد تەڭگە سوماداعى بەرەشەگىن كەشىردى.

قارىز بويىنشا نەگىزگى بورىشتىڭ قالدىعى بۇرىن جيناقتالعان سومانى شەگەرە وتىرىپ قايتا قارجىلاندىرىلۋعا جاتادى، قارىز الۋشىنىڭ سىياقى، كوميسسيالار، تۇراقسىزدىق ايىبى بويىنشا بەرەشەگىن بانكتەر كەشىرۋگە جاتادى. بۇدان باسقا بورىشتى بانكتەردىڭ پايداسىنا ءوندىرىپ الۋ تۋرالى سوت اكتىلەرى بار قارىزدار بويىنشا  ءحاوت-قا جاتاتىن قارىز الۋشىلار  مەملەكەتتىك باج سالىعىن تولەۋدەن بوساتىلعان.

باعدارلامانى ىسكە اسىرۋدىڭ اشىقتىعىن قامتاماسىز ەتۋ ماقساتىندا قازاقستاننىڭ بارلىق وڭىرىندە باعدارلاما شەڭبەرىندە بانكتەردىڭ قارىزداردى قايتا قارجىلاندىرۋدان باس تارتۋلارىنا قارىز الۋشىلاردىڭ شاعىمدارىن  قاراۋ جونىندەگى كوميسسيالار جۇمىس جاسايدى. كوميسسيالاردىڭ قۇرامىنا اگەنتتىكتىڭ وڭىرلىك وكىلدەرى، اكىمدىكتەر، مۇددەلى مەملەكەتتىك ورگاندار جانە قوعامدىق بىرلەستىكتەر كىرەدى.

اگەنتتىكتىڭ سايتىندا قارىز الۋشىلارمەن ءوزارا ءىس-قيمىل جاساۋ ءۇشىن بانكتەر قىزمەتكەرلەرىنىڭ بايلانىس تەلەفوندارى جانە بانكتەردىڭ يپوتەكالىق قارىز الۋشىلارعا قوسىمشا كومەك كورسەتۋ ماسەلەسىن قاراۋى ءۇشىن قاجەتتى قۇجاتتاردىڭ تىزبەسى ورنالاستىرىلعان.  سونداي-اق  www.fingramota.kz سايتىندا باعدارلاما بويىنشا ءجيى قويىلاتىن سۇراقتارعا جاۋاپتار «كەرى بايلانىس» فۋنكتسياسىمەن جانە باعدارلامانى ىسكە اسىرۋ شارتتارى بويىنشا سۇراق قويۋ مۇمكىندىگىمەن ورنالاستىرىلعان.

اگەنتتىك بانكتەردىڭ باعدارلاما تالاپتارىمەن ازاماتتارعا قولداۋ كورسەتۋ شارالارىن ۋاقتىلى جانە تولىق ىسكە اسىرۋىنا تۇراقتى تۇردە باقىلاۋ جاسايدى.

سوڭعى جاڭالىقتار

COVID-19: سىرى قاشان اشىلار؟..

كوروناۆيرۋس • بۇگىن، 08:35

العىس ارقالاعان ازامات

مەديتسينا • بۇگىن، 08:34

جاقسىلىق جاساساڭ، اۋىلىڭا جاسا

مەديتسينا • بۇگىن، 08:31

العا باسقان ازاماتتىق قوعام

قازاقستان • بۇگىن، 08:26

اقىن داڭقى الاسارمايدى

رۋحانيات • بۇگىن، 08:25

كورشى ءوڭىردىڭ كومەگى

ءبىلىم • بۇگىن، 08:25

ءوڭىردىڭ وركەندەۋى – ورتاق يگىلىك

وڭتۇستىك قازاقستان • بۇگىن، 08:22

ءۇمىت وتىن لاۋلاتقان...

ايماقتار • بۇگىن، 08:22

عۇلاما عالىم، كورنەكتى قايراتكەر

قازاقستان • بۇگىن، 08:19

70 ملن توننا مۇناي ەكسپورتتالدى

قازاقستان • بۇگىن، 08:17

ماقتانىشىم مەن ساعىنىشىم

قازاقستان • بۇگىن، 08:15

ءار سۋرەتتە – ءومىر ساۋلەسى

ايماقتار • بۇگىن، 08:13

جاقسىلىققا جەتەلەگەن جوبا

قوعام • بۇگىن، 08:10

وزىق كاسىپورىن – «رودينا»

قوعام • بۇگىن، 08:10

تاريحي ماڭىزى زور شەشىم

قازاقستان • بۇگىن، 08:06

ەرىكتىلەردىڭ ەلەۋلى ءىسى

قوعام • بۇگىن، 08:05

اۋليە اتا ءھام ۇلى جىراۋ

رۋحانيات • كەشە

ۇقساس جاڭالىقتار