قازاقستان چەحيا نارىعىنا 45-تەن استام ءونىم ءتۇرىن جەتكىزە الادى

ەكونوميكا • 27 قاڭتار، 2021

قازاقستان چەحيا نارىعىنا 45-تەن استام ءونىم ءتۇرىن جەتكىزە الادى

8 رەت كورسەتىلدى

قازاقستان چەحيا نارىعىنا 324،8 ملن. $ سوماسىنا 45-تەن استام ءونىم ءتۇرىن جەتكىزە الادى، دەپ حابارلايدى Egemen.kz ساۋدا جانە ينتەگراتسيا مينيسترلىگىنە سىلتەمە جاساپ.

جانبولات كەنجەعۇل

26 قاڭتاردا بەينەكونفەرەنتسيا رەجيمىندە ەكونوميكالىق، ونەركاسىپتىك جانە عىلىمي-تەحنيكالىق ىنتىماقتاستىق جونىندەگى قازاقستان-چەح ۇكىمەتارالىق كوميسسياسىنىڭ تەڭ توراعالارى – چەح رەسپۋبليكاسىنىڭ ونەركاسىپ جانە ساۋدا ءمينيسترىنىڭ ورىنباسارى مارتين تاۋبەروۆا مەن قازاقستان رەسپۋبليكاسىنىڭ ساۋدا جانە ينتەگراتسيا ۆيتسە-ءمينيسترى قايرات تورەباەۆتىڭ كەزدەسۋى ءوتتى.

كەزدەسۋگە چەح رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى، قر چەح رەسپۋبليكاسىنداعى ەلشىلىگىنىڭ كەڭەسشىسى قاتىستى.

وتكەن كەزدەسۋ ۇاك 11-ءشى وتىرىسىنا دايىندىق كەزەڭدەرىنىڭ ءبىرى بولىپ تابىلادى، ونى وتكىزۋ پراگا قالاسىندا 2-ءشى جارتىجىلدىقتا جوسپارلانعان.

ءوزىنىڭ قارسى الۋ سوزىندە ساۋدا جانە ينتەگراتسيا ۆيتسە-ءمينيسترى ق. تورەباەۆ ۇكىمەتارالىق كوميسسيا جۇمىس ىستەپ تۇرعان ۋاقىتتا ءوزىن ءوزارا ىنتىماقتاستىق ماسەلەلەرىنىڭ كەڭ سپەكترى بويىنشا ناقتى شارالار قابىلداناتىن الاڭ رەتىندە تانىتقانىن اتاپ ءوتتى.

تاراپتار قازاقستان مەن چەحيا اراسىنداعى ساۋدا-ەكونوميكالىق ىنتىماقتاستىقتى ودان ءارى دامىتۋ ماسەلەلەرىن، الداعى وتىرىستىڭ كۇن تارتىبىندەگى ماسەلەلەردى، سونداي-اق COVID-19 پاندەمياسى (مەديتسينالىق تەحنيكانى، جابدىقتاردى، دارىلىك پرەپاراتتاردى جانە ت.ب. ونىمدەردى جەتكىزۋ) كەزەڭىندە دەنساۋلىق ساقتاۋ سالاسىنداعى ىنتىماقتاستىق مۇمكىندىكتەرىن تالقىلادى.

بۇگىنگى تاڭدا ءبىزدىڭ ەلدەرىمىز جالپى قۇنى 135 ملن. اقش دوللارى بولاتىن قۋاتتىلىعى 50 مۆت كۇن ەلەكتروستانتسياسى قۇرلىسىنىڭ جوباسى ىسكە اسىرىلادى، سونداي-اق جالپى سوماسى 700 ملن. دوللار بولاتىن 6 جوبا قوسىمشا پىسىقتالۋدا.

قازاقستاندىق ساراپشىلار ساۋدا ىنتىماقتاستىعىن دامىتۋ ماقساتىندا چەحيا نارىعىنا شىعارىلۋى مۇمكىن الەۋەتتى تاۋارلاردىڭ تىزبەسىن دايىندادى. بۇل جالپى سوماسى 324،8 ملن. اقش دوللار بولاتىن 45ء ونىم اتاۋى. بۇل مۇناي-حيميا سالالارىنىڭ ونىمدەرىن جەتكىزۋدى 144 ملن. اقش دولل.، مەتاللۋرگيا – 61،5 ملن. اقش دوللارى، تاماق ونەركاسىبى – 58 ملن. اقش دوللارىن، حيميالىق – 20،4 ملن. اقش دوللارىن، ماشينا جاساۋ – 26،1 ملن. اقش دوللارى جانە قۇرىلىس تاۋارلارى 14،8 ملن. اقش دوللارى.

كەزدەسۋ بارىسىندا قازاقستاندىق تاراپ بىرقاتار ۇسىنىستار ايتتى:

- چەحيانىڭ اتوم ەنەرگەتيكاسى كاسىپورىندارىنا «قازاتومونەركاسىپ» ۇاك» اق تابيعي ۋران كونتسەنتراتتارىن جانە ۋران ونىمدەرىن جەتكىزۋ;

- ستانوكتاردى جوندەۋ جانە جاڭعىرتۋ جانە ولاردىڭ جيىنتىقتاۋشى جانە قوسالقى بولشەكتەرىن ءوندىرۋ جونىندەگى ورتالىقتى (تەحنوپارك)، سونداي-اق وتاندىق وندىرىستەردە ودان ءارى قولدانۋ ءۇشىن قازاقستاندا كومپونەنتتىك بازا ءوندىرىسىن دامىتۋ جونىندەگى عىلىمي-زەرتتەۋ ورتالىعىن قۇرۋ;

- قىتايدان ەۋروپاعا چەح رەسپۋبليكاسىنا/نان/ارقىلى كونتەينەرلىك جۇكتەردى (جۇك تاسىمالدارىن) دامىتۋ.

جالپى، وڭ ۇردىستەردىڭ ىشىندە قازاقستان مەن چەحيا اراسىنداعى تاۋار اينالىمى 2019 جىلى 380،4 ملن. اقش دولل. قۇرادى، بۇل وتكەن جىلدىڭ ۇقساس كەزەڭىمەن سالىستىرعاندا 30،2%-عا جوعارى (292،2 ملن. اقش).

سونىمەن بىرگە، وتكەن جىلدىڭ ۇقساس كەزەڭىمەن سالىستىرعاندا 2020 جىلدىڭ 11 ايىندا ءوزارا ساۋدا-ساتتىق 9،9%-عا تومەندەپ، 312،4 ملن. اقش دوللارىن قۇرادى.

سونىمەن قاتار، وسى كەزەڭدە چەحياعا قازاقستاندىق ەكسپورت 4،5%-عا (64،7 ملن. اقش دوللارىن قۇرادى) جانە قازاقستانعا چەحيادان يمپورت 11،2%-عا (247،6 ملن. اقش دوللارىن قۇرادى) قىسقاردى.

كەزدەسۋ سوڭىندا ۆيتسە-مينيستر ق. تورەباەۆ تاراپتار الداعى وتىرىس كەزىندە ءتيىمدى ديالوگ قۇرۋعا كومەكتەسەتىن بارلىق ماسەلەلەردى تالقىلاعاندارىن، بۇل ءوز كەزەگىندە ەكى ەلدىڭ ودان ءارى ستراتەگيالىق ارىپتەستىگىنە ەلەۋلى ۇلەس قوساتىنىن اتاپ ءوتتى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز