ەكونوميكا • 27 قاڭتار، 2021

وتاندىق توسەك-ورىن ونىمدەرى اقش پەن كاناداعا ەكسپورتتالدى

13 رەت كورسەتىلدى

2020 جىلى وتاندىق ءىرى توسەك-ورىن ءوندىرۋشى "اگف گرۋپپ" اقش پەن كاناداعا ەكسپورتتىق جونەلتۋلەردى جۇزەگە اسىردى، دەپ حابارلايدى Egemen.kz يندۋستريا جانە ينفراقۇرىلىمدىق دامۋ مينيسترلىگى يندۋستريالىق دامۋ كوميتەتىنە سىلتەمە جاساپ.

"اگف گرۋپپ" وك" جشس - توسەك جابدىقتارى مەن ءۇي توقىما بۇيىمدارىن تىگۋ بويىنشا قازاقستانداعى العاشقى مامانداندىرىلعان فابريكا. كومپانيا تىگىن ءوندىرىسى سالاسىندا 2010 جىلدان باستاپ جۇمىس ىستەيدى. كاسىپورىن ارنايى كيىم، مەكتەپ فورماسى، كامۋفلياج جيىنتىقتارى، توسەك-ورىن ءوندىرىسى سالاسىندا ۇلكەن تاجىريبە جيناپ، ءوز داستۇرلەرىن قۇرىپ،  ءوزىن سەنىمدى جانە ادال سەرىكتەس رەتىندە كورسەتتى. 2015 جىلى IKEA شۆەد كومپانياسىمەن توسەك جابدىقتارىن جەتكىزۋ تۋرالى كەلىسىم جاسالعاننان كەيىن ءوندىرىس مامانداندىرىلعان بولدى. بۇگىندە ءونىمنىڭ 95% ەكسپورتقا شىعارىلادى.

نەگىزگى تىگىن ونىمدەرى-توسەك-ورىن جابدىقتارى، اتاپ ايتقاندا: توسەك جايمالارى، كورپە جامىلعىلارى، جاستىقتار، سونىمەن قاتار توسەك-ورىن جيىنتىعى. ءونىم ساپاسىنىڭ جوعارى دەڭگەيىنە ساپالى شيكىزاتتى، زاماناۋي تەحنولوگيالاردى، جاڭا جابدىقتاردى پايدالانۋ، باسقارۋدىڭ اۆتوماتتاندىرىلعان جۇيەلەرىن ەنگىزۋ جانە بىلىكتى مامانداردىڭ جۇمىسى ەسەبىنەن قول جەتكىزىلەدى.

2016 جىلى ەۋروپالىق قايتا قۇرۋ جانە دامۋ بانكىنىڭ (ەقدب) قولداۋىمەن SUAVE ® جانە ARUA ® جەكە برەندتەرىن ازىرلەۋ بويىنشا جوبا جۇزەگە اسىرىلدى. تاۋارلار 100% ەكولوگيالىق تازا ماقتادان جاسالعان جانە ەۋروپالىق ساپا ستاندارتتارىنا سايكەس كەلەدى. فابريكادا تىگىن ءوندىرىسى ءۇشىن ارنايى ازىرلەنگەن كاسىپورىندى باسقارۋدىڭ اۆتوماتتاندىرىلعان جۇيەسى ەنگىزىلگەن. كاسىپورىن زاماناۋي زەرتحانالىق، تىگىن جانە ءپىشۋ جابدىقتارىمەن تولىق جابدىقتالعان. جابدىقتار پاركى جىل سايىن جاڭارتىلىپ وتىرادى. سونىمەن قاتار، زاۋىت قىزمەتكەرلەرى ارنايى جابدىقتالعان وقۋ ورتالىعىندا مىندەتتى وقۋدان ءوتىپ، كاسىبي داعدىلارىن ۇنەمى جەتىلدىرەدى.

2017 جىلدان باستاپ كومپانيا قر-دا بولشەك ساۋدا باعىتىن دامىتىپ كەلەدى، نۇر-سۇلتان، شىمكەنت، الماتى جانە ت.ب. قالالارىندا فيرمالىق جانە سەرىكتەستىك دۇكەندەر بار. بۇدان بولەك، 2020 جىلى اقش پەن كاناداعا ەكسپورتتىق جونەلتۋلەر جۇزەگە اسىرىلدى، يسپانيا مەن فينليانديادان تاپسىرىستار بويىنشا جۇمىس جالعاسۋدا.

سوڭعى جاڭالىقتار

COVID-19: سىرى قاشان اشىلار؟..

كوروناۆيرۋس • بۇگىن، 08:35

جاقسىلىق جاساساڭ، اۋىلىڭا جاسا

مەديتسينا • بۇگىن، 08:31

العا باسقان ازاماتتىق قوعام

قازاقستان • بۇگىن، 08:26

اقىن داڭقى الاسارمايدى

رۋحانيات • بۇگىن، 08:25

كورشى ءوڭىردىڭ كومەگى

ءبىلىم • بۇگىن، 08:25

ءوڭىردىڭ وركەندەۋى – ورتاق يگىلىك

وڭتۇستىك قازاقستان • بۇگىن، 08:22

عۇلاما عالىم، كورنەكتى قايراتكەر

قازاقستان • بۇگىن، 08:19

70 ملن توننا مۇناي ەكسپورتتالدى

قازاقستان • بۇگىن، 08:17

ماقتانىشىم مەن ساعىنىشىم

قازاقستان • بۇگىن، 08:15

جاقسىلىققا جەتەلەگەن جوبا

قوعام • بۇگىن، 08:10

وزىق كاسىپورىن – «رودينا»

قوعام • بۇگىن، 08:10

تاريحي ماڭىزى زور شەشىم

قازاقستان • بۇگىن، 08:06

ەرىكتىلەردىڭ ەلەۋلى ءىسى

قوعام • بۇگىن، 08:05

اۋليە اتا ءھام ۇلى جىراۋ

رۋحانيات • كەشە

ۇقساس جاڭالىقتار