قازاقستان • 27 قاڭتار، 2021

كوپپاتەرلى تۇرعىن ۇيلەردى باسقارۋدىڭ جاڭا نىساندارىنا كوشۋ ءتارتىبى ءتۇسىندىرىلدى

12 رەت كورسەتىلدى

27 قاڭتار كۇنى ورتالىق كوممۋنيكاتسيالار قىزمەتىنىڭ الاڭىندا رمم الاڭىندا «كوپپاتەرلى تۇرعىن ۇيلەردى باسقارۋدىڭ جاڭا نىساندارىنا كوشۋ ءتارتىبىن ءتۇسىندىرۋ تۋرالى» ءباسپاسوز كونفەرەنتسياسى ءوتتى، دەپ حابارلايدى Egemen.kz.

سپيكەرلەر رەتىندە:

  • قازاقستان رەسپۋبليكاسى يندۋستريا جانە ينفراقۇرىلىمدىق دامۋ مينيسترلىگىنىڭ قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتى توراعاسى ورىنباسارى ە. ا. داۋىلباەۆ;
  • «تۇرعىن ءۇي-كوممۋنالدىق شارۋاشىلىعىن جاڭعىرتۋ جانە دامىتۋدىڭ قازاقستاندىق ورتالىعى» اق باسقارما توراعاسىنىڭ ورىنباسارى ن.ن.سەرىكوۆ;
  • «تۇرعىن ءۇي-كوممۋنالدىق شارۋاشىلىعىن جاڭعىرتۋ جانە دامىتۋدىڭ قازاقستاندىق ورتالىعى» اق وڭىرلىك دامۋ جانە ءادىسناما دەپارتامەنتىنىڭ باسشىسى م. ج. ابدىكارىموۆ ءسوز سويلەدى.

ەستەرىڭىزگە سالا كەتەيىك، 2020 جىلعى 7 قاڭتاردا «قر كەيبىر زاڭنامالىق اكتىلەرىنە تۇرعىن ءۇي-كوممۋنالدىق شارۋاشىلىق ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قر زاڭى كۇشىنە ەندى.

اتالعان زاڭدى ىسكە اسىرۋ ماقساتىندا قازاقستان رەسپۋبليكاسى ۇكىمەتىنىڭ 2 قاۋلىسى جانە زاڭعا تاۋەلدى 16 نورماتيۆتىك قۇقىقتىق اكت قابىلداندى.

وتكەن جىلعى جەلتوقساندا باسقارۋدىڭ ءبىر نىسانىنان ەكىنشىسىنە اۋىسقان كەزدە تەحنيكالىق جانە قارجىلىق قۇجاتتاردى تاپسىرۋ ءتارتىبىن رەگلامەنتتەۋ ماقساتىندا كوندومينيۋم وبەكتىسىنىڭ ورتاق مۇلكىن كۇتىپ-ۇستاۋ قاعيدالارىنا وزگەرىستەر مەن تولىقتىرۋلار ەنگىزىلدى.

تۇرعىن ءۇي-كوممۋنالدىق شارۋاشىلىق ماسەلەلەرى جونىندەگى زاڭ كۇشىنە ەنگەن كۇننەن باستاپ 2021 جىلعى 11 قاڭتارداعى جاعداي بويىنشا رەسپۋبليكا بويىنشا شامامەن 54 مىڭ كوپپاتەرلى تۇرعىن ءۇيدىڭ اراسىندا 1132 جاڭا باسقارۋ نىسانى قۇرىلدى (ولاردىڭ ىشىندە: م ۇلىك يەلەرىنىڭ بىرلەستىكتەرى - 539، جاي سەرىكتەستىكتەر – 593 بىرلىك)، ولاردىڭ باسىم بولىگى نۇر-سۇلتان جانە الماتى قالالارىندا ورنالاسقان.

باسقارۋدىڭ جاڭا نىساندارىن قۇرۋ پايىزىنىڭ تومەندىگى جينالىستاردى وتكىزۋگە شەكتەۋ قوياتىن سانيتارلىق جانە كارانتيندىك شارالارمەن بايلانىستى ەكەنى ءسوزسىز، سوندىقتان پاتەرلەر مەن تۇرعىن ەمەس ءۇي-جايلاردىڭ يەلەرى جازباشا ساۋالناما جۇرگىزۋگە ءماجبۇر بولدى.

قازاقستان رەسپۋبليكاسى ۇكىمەتىنىڭ قاۋلىسىمەن جانە زاڭمەن «تكش قازورتالىعى» اق تۇرعىن ءۇي قاتىناستارى جانە تۇرعىن ءۇي-كوممۋنالدىق شارۋاشىلىق سالاسىنداعى وپەراتور بولىپ بەلگىلەندى جانە جارعىلىق قىزمەتى اياسىندا اقپاراتتىق-ءتۇسىندىرۋ جۇمىسىن جۇرگىزەدى.

قازىرگى ۋاقىتتا قوعامنىڭ zhkh.kz سايتى وزەكتەندىرىلىپ، ول جەردە باسقارۋدىڭ جاڭا نىسانىنا كوشۋ بويىنشا بارلىق اقپاراتتىق ماتەريالدار ورنالاستىرىلعان.

باسقارۋدىڭ جاڭا نىساندارىن قۇرۋ بويىنشا ازاماتتاردان كەلىپ تۇسەتىن وتىنىشتەردىڭ ۇلكەن اعىنىن ەسكەرە وتىرىپ، تەلەگرام بوت پلاتفورماسى ىسكە قوسىلدى، سونداي-اق سۇراقتاردى Suraqtar.kz.پلاتفورماسىنا دا جولداۋعا بولادى.

«تۇرعىن ءۇي قاتىناستارى جانە تۇرعىن ءۇي-كوممۋنالدىق شارۋاشىلىق سالاسىنداعى مامانداردى دايارلاۋ، قايتا دايارلاۋ جانە بىلىكتىلىگىن ارتتىرۋ جونىندەگى ءىس-شارالاردى ىسكە اسىرۋ» باعىتى شەڭبەرىندە «تكش قازورتالىعى» اق مەن ل. گۋميلەۆ اتىنداعى ەۋرازيا ۇلتتىق ۋنيۆەرسيتەتى اراسىندا كادرلاردى دايارلاۋ تۋرالى مەموراندۋم جاسالدى.

«تكش قازورتالىعى» اق بىلىكتىلىكتى ارتتىرۋ كۋرستارىنىڭ باعدارلاماسىن ازىرلەپ (55 ساعات)، ول قازاقستان رەسپۋبليكاسى يندۋستريا جانە ينفراقۇرىلىمدىق دامۋ مينيسترلىگىمەن بەكىتىلدى.

جالپى سانى 334 تىڭداۋشى وقىتىلدى، ونىڭ ىشىندە 73 تىڭداۋشى گۋميلەۆ اتىنداعى ەۇۋ بازاسىندا، 261-ءى باسقا وقۋ ورتالىقتارىندا وقىتىلدى. 178 كپتۇ باسقارۋشىسى سەرتيفيكاتتاۋ ورتالىعىندا بىلىكتىلىكتەرىن راستادى.

اقپاراتتىق-ءتۇسىندىرۋ جۇمىستارى ءتۇرلى الاڭداردا، سونىڭ ىشىندە ەلىمىزدىڭ وڭىرلەرىندە دە جالعاساتىن بولادى.

كوپ پاتەرلى تۇرعىن ۇيلەردى باسقارۋدىڭ جاڭا نىساندارىن ەنگىزۋ تۇرعىن ءۇي-كوممۋنالدىق شارۋاشىلىق سۋبەكتىلەرىنىڭ ءوزارا قارىم-قاتىناسىن رەتتەۋگە، سونداي-اق تۇرعىنداردىڭ جينالعان قاراجاتىن پايدالانۋدىڭ اشىقتىعىن ارتتىرۋعا مۇمكىندىك بەرەدى.

سوڭعى جاڭالىقتار

العا باسقان ازاماتتىق قوعام

قازاقستان • بۇگىن، 08:26

ماقتانىشىم مەن ساعىنىشىم

قازاقستان • بۇگىن، 08:15

جاقسىلىققا جەتەلەگەن جوبا

قوعام • بۇگىن، 08:10

تاريحي ماڭىزى زور شەشىم

قازاقستان • بۇگىن، 08:06

ەرىكتىلەردىڭ ەلەۋلى ءىسى

قوعام • بۇگىن، 08:05

اۋليە اتا ءھام ۇلى جىراۋ

رۋحانيات • كەشە

ۇقساس جاڭالىقتار