ايماقتار • 26 قاڭتار، 2021

اتىراۋدا ءۇش ماس ايەل توبەلەس شىعاردى

624 رەت كورسەتىلدى

اتىراۋدا مەيرامحانا الدىندا توبەلەس شىعارعان ءۇش ماس ايەل جاۋاپكەرشىلىككە تارتىلدى، دەپ حابارلايدى Egemen.kz

وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە، وقيعا 23 قاڭتاردا تۇنگى ساعات 03:29 شاماسىندا بولىپتى.

«اتىراۋ قالاسىنداعى ازاتتىق كوشەسىندە ورنالاسقان «Vivaldi» مەيرامحانا الدىندا 32، 33 جانە 28 جاستاعى ءۇش ايەل ءوزارا كەلىسە الماي توبەلەس شىعارعان. ولار سول كۇنى «Vivaldi» مەيرامحاناسىندا كوڭىل كوتەرىپ، ىشىمدىك ىشكەن. پاترۋلدىك پوليتسيا قىزمەتكەرلەرى قۇقىق بۇزۋشىلاردى ناركولوگيالىق ساراپتامادان وتكىزىپدى. ساراپتاما ناتيجەسىندە ءۇش ايەلدىڭ   جەڭىل دارەجەدە ماس كۇيدە بولعانى انىقتالدى. ولارعا قاتىستى قر اكىمشىلىك قۇقىقبۇزۋشىلىق تۋرالى كودەكسىنىڭ 434-بابىمەن اكىمشىلىك حاتتامالار تولتىرىلىپ،  سوتقا جولداندى» دەپ حابارلادى دەپارتامەنتتىڭ ءباسپاسوز قىزمەتىنەن. 

ال كەشكى ساعات 20:00-دەن كەيىن جۇمىسىن جالعاستىرىپ، كارانتيندىك شەكتەۋ رەجيمىن ساقتاماعان «Vivaldi» مەيرامحانا-بارىنا قاتىسى جيناقتالعان قۇجاتتار شەشىم قابىلداۋ ءۇشىن اتىراۋ قالالىق سانيتاريالىق-ەپيدەميولوگيالىق باقىلاۋ باسقارماسىنا جولداندى.

 

سوڭعى جاڭالىقتار

ۇقساس جاڭالىقتار