قارجى مونيتورينگى اگەنتتىگىنىڭ مالىمەتىنشە, 2021 جىلدان بەرى ءبىر توپ ادام پروكۋراتۋرانىڭ ۇيلەستىرۋىمەن «ە-ليتسەنزيالاۋ» اقپاراتتىق جۇيەسىنە ادەيى جالعان مالىمەتتەر ەنگىزىپ كەلگەن. ولار الماتى قالاسىنىڭ قالا قۇرىلىسىن باقىلاۋ باسقارماسى قىزمەتكەرلەرىمەن ءسوز بايلاسىپ, وزدەرىنە تيەسىلى كومپانيالار ارقىلى وندىرىستىك بازالار, ارنايى تەحنيكا جانە بىلىكتى ينجەنەرلىك قىزمەتكەرلەر بار دەگەن جالعان دەرەكتەر ۇسىنعان.
الايدا بۇل مالىمەتتەر شىندىققا سايكەس كەلمەگەن. سونىڭ ناتيجەسىندە قولدانىستاعى تالاپتاردى اينالىپ ءوتىپ, 400-دەن استام زاڭدى تۇلعا زاڭسىز تۇردە ءى ساناتتى ليتسەنزيا العان.
ءتىنتۋ بارىسىندا زاڭسىز ارەكەتتەردى دالەلدەيتىن قۇجاتتار مەن زاتتار تاركىلەنگەن. مۇنداي «قىزمەت» ءۇشىن ۇيىمداستىرۋشىلار 2 ملن-نان 5 ملن تەڭگەگە دەيىن اقشا الىپ وتىرعان.
قازىرگى ۋاقىتتا تەرگەۋ جالعاسىپ جاتىر. قر قپك-ءنىڭ 201-بابىنا سايكەس وزگە اقپارات جاريالانبايدى.
اقمولا وبلىسىندا جالعان قۇجات جاساماق بولعان كۇدىكتى ۇستالدى
