«28 ىلمەك استانا» ۇيىمى بىرنەشە جىلدان بەرى سالماعى از بولىپ تۋعان سابيلەرگە كومەك كورسەتىپ كەلەدى. مۇنداي بالالارعا دەنە جىلۋىن ساقتاۋ قيىن بولعاندىقتان, تابيعي جۇننەن توقىلعان كيىمدەر ەرەكشە ماڭىزدى سانالادى.
بەرىلگەن جىپتەردەن ەرىكتىلەر ش ۇلىق, باس كيىم, كەۋدەشە جانە كورپەلەر توقيدى. بارلىق بۇيىمدار قولمەن ءارى 100 پايىز جۇننەن جاسالادى.
جانكۇيەرلەر بۇل باستاما ارقىلى كوبىرەك سابيگە جىلۋ مەن قامقورلىق سىيلاۋدى ماقسات ەتكەندەرىن ايتتى.
«28 ىلمەك استانا» كلۋبىنىڭ مۇشەلەرى اكتسياعا قاتىسۋشىلارعا العىس ايتىپ, جوبانىڭ ەرەكشە ماڭىزىن اتاپ ءوتتى.
«جاقسىلىقتى ءجىپ ورامىمەن ولشەۋگە بولا ما؟ بولادى ەكەن. 290 ورام ءجىپ – جۇزدەگەن جىلى وقيعانىڭ باستاماسى. جاقىن ارادا ولاردان شالا تۋعان سابيلەرگە ارنالعان كىشكەنتاي ش ۇلىقتار, كەۋدەشەلەر, باس كيىمدەر مەن كورپەلەر توقىلادى. مۇنداي بالالار ءۇشىن جىلۋ – ءومىر سۇرۋگە جانە كۇش جيناۋعا مۇمكىندىك», دەدى ەرىكتىلەر.
بۇعان دەيىن ديماش قۇدايبەرگەنءنىڭ ارگەنتيناداعى جانكۇيەرلەرى دە قايىرىمدىلىق جوباسىن باستاپ, مۋزىكالىق اسپاپتارى جەتىسپەيتىن مەكتەپتەرگە كومەك كورسەتكەن بولاتىن.
قايىرىمدىلىق اكتسياسى ديماش قۇدايبەرگەنءنىڭ تۋعان كۇنىنە دەيىن جالعاسادى. 24 مامىردا ونەر يەسى 32 جاسقا تولادى.
