«وقيعا ورنىنا جەتكەن ءورت سوندىرۋشىلەر شاتىردىڭ جانعانىن انىقتاعان. قۇتقارۋشىلار قىسقا ۋاقىتتا شاتىرعا كوتەرىلىپ, سۋ شاشاتىن قۇرالدار ارقىلى ءورتتى اۋىزدىقتاۋعا كىرىسكەن. ءورت وشاقتارىن انىقتاۋ ءۇشىن ارنايى قۇرالدار قولدانىلىپ جاتىر. قازىرگى تاڭدا ءورتتىڭ قارقىنى باسەڭدەدى. ءورتتىڭ جانۋ الاڭى ناقتىلانىپ جاتىر», دەلىنگەن تجد حابارلاماسىندا.
وقيعا ورنىندا تجد قۇتقارۋ قىزمەتىنىڭ ەۆاكۋاتورلارى جۇمىس ىستەپ جاتىر.
جەدەل شتاب قۇرىلىپ, ەكى باعىتتا ءسوندىرۋ جۇمىستارى جۇرگىزىلىپ جاتىر. ءورتتى سوندىرۋگە التى سۋ وقپانى تارتىلعان. اۋماقتى پوليتسيا قىزمەتكەرلەرى قورشاۋعا العان.
ءورتتى ءسوندىرۋ جۇمىستارىن الماتى قالاسى تجد باسشىسى دامير ەرماعامبەتوۆ باسقارىپ وتىر. وقيعا ورنىندا 60-تان استام قىزمەتكەر مەن 20-عا جۋىق تەحنيكا جۇمىلدىرىلعان.
