ايماقتار • 26 قاڭتار، 2021

الماتىدا ەسىرتكى ساتاتىن 247 سايت بۇعاتتالدى

5 رەت كورسەتىلدى

الماتى قالاسىنىڭ پوليتسەيلەرى جىل باسىنان بەرى ەسىرتكى ساۋداسىنا قاتىسى بار 247 سايتتى انىقتاپ، بۇعاتتاۋعا ىقپال ەتتى، – دەپ حابارلايدى Polisia.kz.

جىل باسىنان بەرى ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى جەدەل-ىزدەستىرۋ ءىس-شارالارى مەن عالامتوردى مونيتورينگىلەۋ بارىسىندا ەسىرتكى جانە پسيحوتروپتىق زاتتاردى تاراتۋعا قاتىسى بار 247 سايتتى انىقتاپ، بۇعاتتاۋعا باعىتتادى.

– سونىمەن قاتار، وتكەن جىلى سينتەتيكالىق ەسىرتكى شىعاراتىن بەس زەرتحانا انىقتالىپ، جويىلدى. بارلىعى ەسىرتكىنى تىكەلەي بايلانىسسىز ساتۋمەن اينالىسقان بەس كۇدىكتىنىڭ قاتىسۋىمەن ەكى ۇيىمداسقان قىلمىستىق توپتىڭ قىلمىستىق ارەكەتتەرىنىڭ جولى كەسىلدى. تۇتاستاي العاندا، ەسىرتكىنىڭ زاڭسىز اينالىمى سالاسىندا 400-دەن استام ادام قىلمىستىق جاۋاپكەرشىلىككە تارتىلدى جانە ۇزاق مەرزىمدەرگە باس بوستاندىقتارىنان ايىرىلدى، – دەپ قورىتىندىلادى الماتى قالالىق پوليتسيا دەپارتامەنتىنىڭ باستىعى قانات تايمەردەنوۆ.

 

سوڭعى جاڭالىقتار

ۇقساس جاڭالىقتار