كوميسسيا وتىرىسىندا «Transparency International» ۇيىمىنىڭ قازاقستانداعى وكىلدىگى جۇرگىزگەن «2020 جىلعى قازاقستانداعى سىبايلاس جەمقورلىق جاي-كۇيىنىڭ مونيتورينگى» زەرتتەۋىنىڭ ناتيجەلەرى ايتىلدى. اتالعان ۇيىمنىڭ ساراپشىلارى قالالار, وبلىستار مەن اۋدانداردا 9 000 رەسپوندەنتپەن ساۋالناما جۇرگىزىپ, «اشىق ديالوگ» پورتالىنا تۇسكەن 1 347 ءوتىنىشتى زەرتتەپتى.
«تۇرعىندار اراسىندا جۇرگىزىلگەن ساۋالناما ناتيجەلەرى مەملەكەتتىك ورگاندارعا جۇگىنگەن كەزدە سىبايلاس جەمقورلىققا تاپ بولعان ادامداردىڭ ۇلەسى 2019 جىلمەن سالىستىرعاندا 2,1%-عا تومەندەگەنىن كورسەتتى» دەدى سىبايلاس جەمقورلىققا قارسى ءىس-قيمىل اگەنتتىگى اتىراۋ وبلىسى بويىنشا دەپارتامەنتىنىڭ باسشىسى قانات سۇلەيمەنوۆ.
«ادالدىق الاڭى» جوبالىق كەڭسەسىنىڭ جەتەكشىسى الفيا اديەۆانىڭ ايتۋىنا قاراعاندا, تۇرعىندار اراسىندا سىبايلاس جەمقورلىققا قارسى مادەنيەتتى قالىپتاستىرۋ ءۇشىن 72 اقپاراتتىق-ناسيحاتتىق جۇمىس جۇرگىزىلىپتى.
وبلىس اكىمى ماحامبەت دوسمۇحامبەتوۆ سىبايلاس جەمقورلىقتىڭ الدىن الۋ باعىتىنداعى كۇرەستى ءالى دە كۇشەيتۋ قاجەتتىگىنە توقتالدى.
