«بىرنەشە جىل بويى جۇرگىزىلگەن دايەكتى رەفورما جانە اتقارۋشىلىق ءىس جۇرگىزۋدى ەلەكتروندىق فورماتتا جۇزەگە اسىرۋ ءوزىن-ءوزى اقتادى. اتقارۋشىلىق ءىس جۇرگىزۋ ورگاندارىنىڭ اۆتوماتتاندىرىلعان اقپاراتتىق جۇيەسى الەۋمەتتىك ماڭىزدى اتقارۋشىلىق قۇجاتتار بويىنشا ماجبۇرلەۋ شارالارىن ۇزدىكسىز قابىلداۋعا مۇمكىندىك بەردى. وسىلايشا, اليمەنت ساناتىنداعى بورىشكەرلەردىڭ 76 بىرلىك جىلجىمايتىن م ۇلىگىنەن جانە 62 بىرلىك كولىك قۇرالدارىنان بەرەشەك ءوندىرىلىپ الىندى», دەدى ول مينيسترلىكتىڭ كەڭەيتىلگەن القا وتىرىسىندا.
سونىمەن قاتار ول جەكە سوت ورىنداۋشىلاردىڭ رەسپۋبليكالىق پالاتاسىنىڭ قىزمەتىندە اشىقتىق قامتاماسىز ەتىلگەنىن ايتتى.
«رەسپۋبليكالىق پالاتانىڭ بۋحگالتەرياسىمەن قارجىلىق ەسەپتىلىگى «PricewaterhouseCoopers» كومپانياسىنىڭ اۋتسورسينگىنە بەرىلگەن. ولاردىڭ كىرىستەرى جانە شىعىستارى اي سايىن پالاتانىڭ رەسمي سايتىندا جاريالانادى. بۇل كاسىبي ۇيىمعا دەگەن جەكە سوت ورىنداۋشىلاردىڭ, ونىڭ مۇشەلەرىنىڭ جانە رەتتەۋشىنىڭ تاراپىنان سەنىمدى ارتتىرادى», دەدى ۆيتسە-مينيستر.
