23 قاڭتاردان باستاپ قاراعاندى وبلىسىندا كارانتين شەكتەۋى كۇشەيتىلەدى

ايماقتار • 19 قاڭتار، 2021

23 قاڭتاردان باستاپ قاراعاندى وبلىسىندا كارانتين شەكتەۋى كۇشەيتىلەدى

23 رەت كورسەتىلدى

قاراعاندى وبلىسىندا اۋدانى 2 مىڭ شارشى مەتردەن اساتىن ساۋدا ورتالىقتارىنىڭ جۇمىسىنا تىيىم سالىنادى، دەمالىس كۇندەرى قالاارالىق اۆتوبۋستاردىڭ قوزعالىسى توقتاتىلادى. وسى جانە باسقا دا شەكتەۋلەر 23 قاڭتار كۇنى ساعات 00:00-دەن باستاپ وبلىس اۋماعىندا ەنگىزىلەدى، دەپ حابارلايدى Egemen.kz

دينار كەرىم

بۇل تۋرالى Saryarqa YouTube-ارناسىندا وتكەن بريفينگىدە ءوڭىردىڭ باس مەملەكەتتىك سانيتارلىق دارىگەرى يۋري زالىگين مالىمدەدى.

«وسى جىلدىڭ قاڭتار ايىندا وڭىردە كوروناۆيرۋس ينفەكتسياسىن جۇقتىرعاندار 44%-عا نەمەسە وتكەن ايدىڭ سايكەس كەزەڭىمەن سالىستىرعاندا 1،4 ەسە ءوسۋى بايقالادى. 18 قاڭتاردان باستاپ قاراعاندى وبلىسى «سارى» ايماققا ەندى. وسىعان بايلانىستى بىرقاتار شەكتەۋ شاراسىن ەنگىزۋ تۋرالى شەشىم قابىلداندى»، دەدى وبلىستىڭ باس سانيتارلىق دارىگەرى.

حقكو، بانك جانە «قازپوشتا» بولىمشەلەرىنىڭ جۇمىسى 09.00-دەن 18.00-گە دەيىن قىسقارادى. ولار الدىن-الا جازىلۋ بويىنشا (الەۋمەتتىك قاشىقتى، ماسكا رەجيمىن، تەرمومەتريانى ساقتاي وتىرىپ، سانيتارلىق-دەزينفەكتسيالىق رەجيمدى كۇشەيتە وتىرىپ) جۇمىس ىستەيدى . قىزمەتكەرلەر سانى 15 جانە ودان دا كوپ ۇيىمدار شتاتىنىڭ 60% قاشىقتان جۇمىس ىستەۋ فورماتىنا اۋىستىرىلادى.

قوعامدىق تاماقتانۋ نىساندارىنىڭ جۇمىس، مەرەكە جانە دەمالىس كۇندەرى جۇمىس ىستەۋ رەجيمى ساعات 07.00-دەن 22.00-گە دەيىن شەكتەلەدى. تولتىرىلۋى 50%-دان اسپاۋى ءتيىس (50 وتىراتىن ورىننان ارتىق ەمەس). ۇجىمدىق جانە ەسكە الۋ ءىس-شارارى وتكىزىلمەيدى. تاماقتى وزىمەن الىپ كەتۋ جانە جەتكىزۋ ۋاقىتى شەكتەلمەيدى. مادەنيەت نىساندارىنىڭ قىزمەتى تولىمدىلىعى 20%-دان اسپايتىن جاعدايدا جۇزەگە اسىرىلادى. دايىندىق تەك 30 ادامنان اسپايتىن جاعدايدا عانا مۇمكىن بولادى. كينوتەاترلار كورەرمەندەرمەن تولىعۋى 20%-دان اسپاعان جاعدايدا جۇمىس ىستەي الادى (30 ادامعا دەيىن). 65 جاستان اسقان ادامدارعا اسا قاجەت بولماسا تىسقا شىعۋ شەكتەلدى.

جەكسەنبىدە جابىق ازىق-ت ۇلىك جانە ازىق-ت ۇلىك ەمەس بازار، ساۋنا، مونشا، سپا ورتالىق، ماسساج سالونى، وسو، ءسۇ، اۋدانى 2 000 شارشى مەتردەن اساتىن ساۋدا جەلىلەرىندە ازىق-ت ۇلىك سۋپەرماركەتى، ءدارىحانا، ءسان سالونى مەن حيميالىق تازارتۋ ورىندارىنان باسقالارىنىڭ قىزمەتى توقتاتىلادى. جۇمىس كۇندەرى ساۋنا، مونشا، سپا جانە ماسساج سالونى 09.00-دەن 20.00-گە دەيىن جۇمىس ىستەي الادى.

سەنبى جانە جەكسەنبى كۇندەرى وبلىسىشىلىك قالاارالىق تۇراقتى جولاۋشىلار تاسىمالىنىڭ قوزعالىسى توقتاتىلادى: قاراعاندى-تەمىرتاۋ - قاراعاندى، قاراعاندى - ساران - قاراعاندى، قاراعاندى - اباي - قاراعاندى، قاراعاندى - شاحتينسك - قاراعاندى، قاراعاندى - شاقان - قاراعاندى، قاراعاندى - توپار-قاراعاندى. «كوروناۆيرۋستىڭ الدىن-الۋ كوبىنەسە وزىمىزگە بايلانىستى.

ماسكانى كيىپ ءجۇرۋ ەكى، ءتىپتى ءۇش ەسەگە دەيىن اۋرۋدىڭ الدىن الۋ مۇمكىندىگىن ارتتىرادى. تەك كۇش-جىگەرىمىزدى بىرىكتىرە وتىرىپ، ءبىز وسى ىندەتپەن كۇرەستە، ونىڭ ىشىندە ءبىزدىڭ ءومىرىمىز ءۇشىن، تۋىستارىمىزدىڭ ءومىرى مەن دەنساۋلىعى ءۇشىن كۇرەستە ناتيجەگە قول جەتكىزە الامىز»، - دەدى يۋري زالىگين وبلىس تۇرعىندارىنا.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز