تاعايىنداۋ • 19 قاڭتار، 2021

تسيفرلىق دامۋ ۆيتسە-ءمينيسترى تاعايىندالدى

27 رەت كورسەتىلدى

قر ۇكىمەتىنىڭ قاۋلىسىمەن اسەت نۇرلان ۇلى تۇرىسوۆ قازاقستان رەسپۋبليكاسىنىڭ تسيفرلىق دامۋ، يننوۆاتسيالار جانە اەروعارىش ونەركاسىبى ۆيتسە-ءمينيسترى لاۋازىمىنا تاعايىندالدى، دەپ حابارلايدى Egemen.kz

اسەت نۇرلان ۇلى تۇرىسوۆ 1987 جىلى دۇنيەگە كەلگەن. 2009 جىلى ءال-فارابي اتىنداعى قازاق ۇلتتىق ۋنيۆەرسيتەتىن، 2017 جىلى «نارحوز» ۋنيۆەرسيتەتىن تامامداعان.

ەڭبەك جولىن 2009 جىلى «قازاقتەلەكوم» اق-دا باستاعان. 2010-2011 جىلدارى — «قازاقتەلەكوم» اق ەلەكتر بايلانىسى ينجەنەرى. 2011-2012 جىلدارى — قر بايلانىس جانە اقپارات مينيسترلىگىنىڭ اقپاراتتىق تەحنولوگيالار سالاسىنداعى مەملەكەتتىك ساياسات دەپارتامەنتى «ەلەكتروندىق ۇكىمەتتى» دامىتۋ جانە قورعاۋ باسقارماسى ساراپشىسىنىڭ م. ا. 2012-2014 جىلدارى — قر كولىك جانە كوممۋنيكاتسيالار مينيسترلىگىنىڭ اقپاراتتىق تەحنولوگيالار سالاسىنداعى مەملەكەتتىك ساياسات دەپارتامەنتىنىڭ جوبالىق قۇجاتتامانى تالداۋ جانە اقپاراتتاندىرۋ جاڭا مودەلىن قالىپتاستىرۋ بويىنشا ساراپشى، باس ساراپشى. 2014 جىلى — «حالىققا قىزمەت كورسەتۋ ورتالىعى» رمك باسقارۋشى ديرەكتورى. 2014-2017 جىلدارى — «قازپوشتا» اق قۇرىلىمىندا جۇمىس ىستەدى.  2018 جىلعى قاڭتاردان قازىرگە دەيىن «ۇلتتىق اقپاراتتىق تەحنولوگيالار» اق باسقارما توراعاسى قىزمەتىن اتقاردى. 


سوڭعى جاڭالىقتار

ۇقساس جاڭالىقتار