«2020 جىلى 304 جوبانى ىسكە اسىرۋعا 113 ملرد تەڭگە ءبولىندى. 4 425 شاقىرىم سۋمەن جابدىقتاۋ جانە سۋ بۇرۋ جەلىلەرى سالىندى ءارى رەكونسترۋكتسيالاندى. 2020 جىلدىڭ قورىتىندىسى بويىنشا قولجەتىمدىلىك اۋىلداردا 87,7 پايىزدى, قالالاردا 97,5 پايىزدى قۇرادى. رەسپۋبليكا بويىنشا جالپى كورسەتكىش 93,1 پايىزعا (17,5 ملن ادام) جەتتى», دەلىنگەن ۆەدومستۆو مالىمەتىندە.
«حالىقتى ساپالى اۋىز سۋمەن قامتاماسىز ەتۋ بويىنشا ءىس-شارالاردى جالعاستىرۋ ءۇشىن, تۇرعىن ءۇي-كوممۋنالدىق دامۋدىڭ 2020 – 2025 جىلدارعا ارنالعان «نۇرلى جەر» مەملەكەتتىك باعدارلاماسى اياسىندا سۋمەن جابدىقتاۋ جانە سۋ بۇرۋ جۇيەلەرىن سالۋ مەن رەكونسترۋكتسيالاۋ جۇرگىزىلۋدە. باعدارلامادا 2025 جىلدىڭ سوڭىنا دەيىن رەسپۋبليكا حالقىن تولىق كولەمدە سۋمەن جابدىقتاۋ قىزمەتتەرىمەن قامتۋ كوزدەلگەن», دەدى قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتىنىڭ توراعاسى مارحابات جايىمبەتوۆ.
قازىرگى كەزدە ەلىمىزدە 1 926 اۋىلدىق ەلدى مەكەن اۋىز سۋمەن قامتاماسىز ەتۋ قىزمەتتەرىمەن جابدىقتالماعان. ولاردىڭ 838-ءى حالىق سانى 200-دەن كەم شاعىن اۋىلدار بولىپ سانالادى. بيىل تۇرعىندار سانى 200-دەن استام 793 ەلدى مەكەندە سۋمەن جابدىقتاۋ جۇيەلەرىن سالۋ مەن رەكونسترۋكتسيالاۋ بويىنشا جۇمىستار جالعاساتىن بولادى. «قاراجاتتى ۇتىمدى پايدالانۋ ماقساتىندا حالىق سانى 200-دەن كەم اۋىلداردا سۋ تازارتۋدىڭ كەشەندى بلوك-مودۋلدەرى ورناتىلاتىن بولادى», دەدى.
قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتىنىڭ توراعاسى مارحابات جايىمبەتوۆ.
