تاعايىنداۋ • 18 قاڭتار، 2021

ەكس-دەپۋتات QazIndustry-دە جاڭا قىزمەتكە تاعايىندالدى

55 رەت كورسەتىلدى

«QazIndustry» قازاقستاندىق يندۋستريا جانە ەكسپورت ورتالىعى» اق ديرەكتورلار كەڭەسىنىڭ شەشىمىمەن «QazIndustry» قازاقستاندىق يندۋستريا جانە ەكسپورت ورتالىعى» اق باسقارما توراعاسىنىڭ ورىنباسارى بولىپ مارات بوپازوۆ سايلاندى، دەپ حابارلايدى Egemen.kz يندۋستريا جانە ينفراقۇرىلىمدىق دامۋ مينيسترلىگىنىڭ ءباسپاسوز قىزمەتىنە سىلتەمە جاساپ.

تاعايىندالعانعا دەيىن قازاقستان رەسپۋبليكاسى پارلامەنتى ءماجىلىسىنىڭ VI شاقىرىلىمىنىڭ دەپۋتاتى، ەكولوگيا ماسەلەلەرى جانە تابيعات پايدالانۋ كوميتەتىنىڭ مۇشەسى بولعان. «QazIndustry» قازاقستاندىق يندۋستريا جانە ەكسپورت ورتالىعى» اق-دا مارات بوپازوۆ ونەركاسىپتىك دامۋ ماسەلەلەرىنە جەتەكشىلىك ەتەتىن بولادى.

مارات بوپازوۆ ۆ.ي. لەنين اتىنداعى قازاق پوليتەحنيكالىق ينستيتۋتىن «تاۋ-كەن ينجەنەرى» ماماندىعى بويىنشا، سونداي-اق ءى. جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتىن «قۇقىقتانۋ» ماماندىعى بويىنشا تامامداعان. جالپى جۇمىس ءوتىلى 35 جىل. ءار جىلدارى سەمەي گەولوگيالىق-بارلاۋ تەحنيكۋمىندا، تالدىقورعانداعى «وبلۆودوكانال» باسقارماسىندا، ۇلتتىق-مادەني ۇيىمداردى قولداۋ قورىندا جۇمىس ىستەدى. سونداي-اق تالدىقورعان قالالىق اكىمشىلىگىنىڭ قۇرىلىس جانە تۇرعىن ءۇي-كوممۋنالدىق شارۋاشىلىق باسقارماسى باستىعىنىڭ ورىنباسارى، تالدىقورعان قالاسىنىڭ «كوممۋنالنيك» مكك باستىعى قىزمەتتەرىن اتقاردى.

1999 جىلدىڭ قاراشاسىنان 2016 جىلدىڭ ناۋرىزىنا دەيىن تالدىقورعان قالالىق ءماسليحاتىنىڭ حاتشىسى قىزمەتىن اتقاردى.

2016 جىلعى 24 ناۋرىزدان باستاپ VI سايلانعان قازاقستان رەسپۋبليكاسى پارلامەنتى ءماجىلىسىنىڭ دەپۋتاتى بولعان.

سوڭعى جاڭالىقتار

ۇقساس جاڭالىقتار