سپورت • 16 قاڭتار، 2021

ۇستەل تەننيسىنەن قازاقستان چەمپيواناتىنىڭ فيناليستەرى انىقتالدى

16 رەت كورسەتىلدى

قاراعاندىدا ءوتىپ جاتقان ۇستەل تەننيسىنەن قازاقستان چەمپيوناتىندا جەكەلەي سىن باسەكەلەرى جالعاسۋدا. بۇگىن ەرلەر مەن ايەلدەر اراسىندا التىن جانە قولا جۇلدەگە تالاساتىن سپورتشىلار انىقتالدى دەپ حابارلايدى Olympic.kz. 

قىزدار اراسىنداعى فينالدىق سىندا 15 جاستاعى شىمكەنتتىك سپورتشى سارۆينوز ميركاديروۆا مەن ەلوردالىق اناستاسيا لاۆروۆا كەزدەسەدى.  سارۆينوز تاجىريبەلى گۋلچەحرا حۋسەينوۆانى ۇتىپ، جارتىلاي فينالدا ەل چەمپيونى زاۋرەش اقاشەۆانى جەڭدى.

ال اناستاسيا لاۆروۆا اراي اشكەەۆا (قاراعاندى)، السۋ ساپاروۆا (ورال)، انەل باحىتتى (شىمكەنت) جارىس جولىنان شىعارىپ، فينالعا جولداما الدى.  ەرلەر اراسىنداعى باسەكەدە جاس تەننيسشى الان قۇرمانعاليەۆ (قاراعاندى) تاجىريبەلى ويىنشىلاردان باسىم ءتۇستى. ول ۇلتتىق قۇراما مۇشەسى دەنيس جولدۋەۆتى، ەل چەمپيوناتىنىڭ كۇمىس جۇلدەگەرى ايدوس كەنجەعۇلوۆتى، جاستار كومانداسىنىڭ مۇشەسى يريسبەك ارتىكمەتوۆتى جەڭدى. 

فينالدا الان قۇرمانعاليەۆ پەن ورالدىق داستان كەنجەعۇلوۆ كەزدەسەدى.  قولا جۇلدەگە تالاساتىندار: دەنيس جولدۋەۆ-ايدوس كەنجەعۇلوۆ، يريسبەك ارتىكمەتوۆ – ۆلاديسلاۆ زاحاروۆ، زاۋرەش اكاشەۆا-السۋ ساپاروۆا، انەل باحىت – گۋلچەحرا حۋسەينوۆا. 

سوڭعى جاڭالىقتار

ۇقساس جاڭالىقتار