قازاقستان • 15 قاڭتار، 2021

بورتتا تەمەكى شەككەن ەر ادام ەلوردا اۋەجايىندا ۇشاقتان ءتۇسىرىلدى

86 رەت كورسەتىلدى

ۇشاق بورتىندا تەمەكى شەككەن ءتارتىپ بۇزۋشى «الماتى-نۇر-سۇلتان» اۋە رەيسىنەن شىعارىلىپ، وعان ايىپپۇل سالىندى، دەپ حابارلايدى Egemen.kz ەلوردالىق كولىكتەگى پوليتسيا دەپارتامەنتىنىڭ ءباسپاسوز قىزمەتىنە سىلتەمە جاساپ.

«14 قاڭتاردا نۇر-سۇلتان قالاسىنىڭ اۋەجايىنداعى جەلىلىك پوليتسيا ءبولىمىنىڭ كەزەكشى بولىمىنە «Air Astana» اق وكىلىنەن «الماتى-نۇر-سۇلتان» باعىتىنداعى اۋە رەيسىنىڭ بورتىندا قۇقىق بۇزۋشى بار ەكەنى تۋرالى حابارلاما كەلىپ ءتۇستى»، دەپ اتاپ ءوتتى كولىكتەگى پوليتسيا دەپارتامەنتى باسشىسىنىڭ ورىنباسارى ابزال جۇماتاەۆ.

«تەكسەرۋ بارىسىندا كولىك پوليتسەيلەرى ۇشاق بورتىندا ەلەكتروندى تەمەكى شەككەن 23 جاستاعى الماتى قالاسىنىڭ تۇرعىنىن انىقتادى. جوعارىدا اتالعان اۋە كەمەسى كومانديرىنىڭ اكتىسى بويىنشا قۇقىق بۇزۋشى رەيستەن شىعارىلدى. اتالعان فاكتى بويىنشا پوليتسيا قىزمەتكەرلەرى قر اقبتك-ءنىڭ 441-بابىنىڭ 1-2-تارماعى (اۋە كەمەسىنىڭ بورتىندا تەمەكى بۇيىمدارىن جانە (نەمەسە) ەلەكتروندى تەمەكىنى تۇتىنۋعا تىيىم سالۋدى بۇزۋ) بويىنشا اكىمشىلىك حاتتاما تولتىرىپ، وعان 50 اەك مولشەرىندە ايىپپۇل سالدى»، دەدى پوليتسيا پولكوۆنيگى.

 

سوڭعى جاڭالىقتار

ۇقساس جاڭالىقتار