نۇرسۇلتان نازارباەۆ «Nur Otan» پارتياسىنىڭ ماجىلىستەگى فراكتسياسىنىڭ وتىرىسىنا قاتىستى

ەلباسى • 14 قاڭتار، 2021

نۇرسۇلتان نازارباەۆ «Nur Otan» پارتياسىنىڭ ماجىلىستەگى فراكتسياسىنىڭ وتىرىسىنا قاتىستى

18 رەت كورسەتىلدى

«Nur Otan» پارتياسىنىڭ توراعاسى پارلامەنت ماجىلىسىندەگى پارتيا فراكتسياسىنىڭ وتىرىسىنا قاتىستى، دەپ حابارلايدى Egemen.kz

دينار كەرىم

«سىزدەر حالىقتىڭ سەنىمىن اقتاۋلارىڭىز كەرەك. بۇل - ماڭىزدى مىندەت ءارى ۇلكەن جاۋاپكەرشىلىك. سوندىقتان فراكتسيا دەپۋتاتتارى ءبىزدىڭ پارتيانىڭ سايلاۋالدى باعدارلاماسىندا كورسەتىلگەن ماقساتتارعا جەتۋ ءۇشىن بار كۇش-جىگەرىن سالۋى ءتيىس»، دەدى ەلباسى. قازاقستاننىڭ تۇڭعىش پرەزيدەنتى «Nur Otan» پارتياسىنىڭ ەلدىڭ ۇدەمەلى دامۋىن قامتاماسىز ەتۋ جانە حالىقتىڭ ءال-اۋقاتىن ارتتىرۋ باعىتىنداعى جۇمىسىنىڭ ناتيجەلەرىن اتاپ ءوتتى.

«بىزدە الەمنىڭ دامىعان 30 ەلىنىڭ قاتارىنا ەنەرلىك ناقتى جوسپار مەن رەسۋرستار بار. بۇل جولدا ەڭ ۇلكەن پارلامەنتتىك فراكتسيا رەتىندە سىزدەرگە ۇلكەن جاۋاپكەرشىلىك جۇكتەلەدى. العا قويىلعان مىندەتتەردى ورىنداۋ ءۇشىن سىزدەر بارلىق كۇش-جىگەردى سالار دەگەن سەنىمدەمىن. دەپۋتاتتار قۇرامى وزگەرگەنىن ءبارى بىلەدى. جاڭا ادامدار جاڭا يدەيالار اكەلىپ، پارلامەنت جۇمىسىنا تىڭ سەرپىن بەرەر دەپ سەنەمىن»، دەدى پارتيا توراعاسى.

نۇرسۇلتان نازارباەۆ VII شاقىرىلىمداعى ءماجىلىس جۇمىسىنىڭ قازاقستان تاۋەلسىزدىگىنىڭ 30 جىلدىعىمەن تۇسپا-تۇس باستالىپ وتىرعانىن دا ەرەكشە اتاپ ءوتتى.

«قازاقستان حالقى وتكەن سايلاۋدا ءبىزدىڭ پارتياعا ۇلكەن قولداۋ كورسەتتى. حالىقارالىق بايقاۋشىلار قازاقستاندىقتاردىڭ جوعارى بەلسەندىلىگىن، ىنتىماقتاستىعىن اتاپ ءوتتى. سايلاۋ اشىق جانە دەموكراتيالىق جاعدايدا ءوتتى. ادەتتەگىدەي، سىزدەر ءبىز - ناقتى ىستەردىڭ پارتياسى ەكەندىگىمىزدى راستاي الاتىندارىڭىزعا سەنىمدىمىن»، دەدى ەلباسى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز