سونداي-اق, شۇجىق ونىمدەرىن ءوندىرۋ 12%-عا (48-دەن 53,8 مىڭ تونناعا دەيىن) جانە ەت كونسەرۆىلەرىن ءوندىرۋ 13,8%-عا (7,7-دەن 8,8 مىڭ تونناعا دەيىن) ارتتى.
سيىر ەتىنىڭ ەكسپورتى وتكەن جىلدىڭ قاڭتار-قازان ارالىعىندا 26,4 ملن اقش دوللارىن قۇرادى.
وتاندىق دايىن ءونىم ءوندىرىسىنىڭ ءوسۋى مال شارۋاشىلىعى جانە ەت وڭدەۋ سالالارىنداعى مەملەكەتتىك كومەكتىڭ ۇلعايۋىنا بايلانىستى. سونىمەن قاتار, وڭدەۋشى كاسىپورىندارىنىڭ قۋاتىنىڭ ارتۋىنا قر اشم وتكەن جىلى ىسكە قوسقان ءتىرى مال ەكسپورتىنا موراتوري جاريالاۋى وڭ اسەرىن تيگىزدى. بۇل شارا جانۋارلاردىڭ ەلىمىزدىڭ شەكاراسىنان جاپپاي شىعارىلۋىن توقتاتىپ قانا قويماي, پرەزيدەنتتىڭ تاپسىرماسىنا سايكەس دايىن ءونىم ءوندىرىسىنىڭ كولەمىن ۇلعايتۋعا مۇمكىندىك بەردى.
اگروونەركاسىپتىك كەشەندى دامىتۋدىڭ 2017-2021 جىلدارعا ارنالعان مەملەكەتتىك باعدارلاماسى اياسىندا ەت وڭدەۋشىلەر ءۇشىن كەلەسى مەملەكەتتىك قولداۋ تۇرلەرى:
1) جۇمىس ىستەپ تۇرعان زاۋىتتاردى جاڭعىرتۋعا جانە جاڭا زاۋىتتاردى سالۋعا ينۆەستيتسيالىق سالىمداردىڭ ءبىر بولىگىن وتەۋ (25%-عا دەيىن);
2) اينالىم جانە نەگىزگى قۇرالدارعا ارنالعان نەسيەلەر بويىنشا سىياقىنىڭ پايىزدىق مولشەرلەمەسىن سۋبسيديالاۋ;
3) «قاراپايىم زاتتار ەكونوميكاسى» باعدارلاماسى شەڭبەرىندە, ونىڭ ىشىندە ەت جانە قۇس ەتىن وندىرۋشىلەرگە جەڭىلدىكپەن نەسيە بەرۋ قاراستىرىلعان.
سونىمەن قاتار, قر اشم وگىزشەلەردى ەت وڭدەۋ كاسىپورىندارىنا تاپسىرۋ كەزىندە فەرمەرلەردى سۋبسيديالاۋ شارالارىن ەنگىزدى. مال وسىرۋشىلەر مەملەكەتتەن قوسىمشا ءبىر كيلوگرامم ءتىرى سالماق ءۇشىن 200 تەڭگەدەن الا الادى.
